مصر موتورز مجتمع السيارات - ايمجراند .....خدعه جديده من غبور

مصر موتورز مجتمع السيارات (https://www.masrmotors.com/vb/index.php)

- جيلى اميجراند - مابلEmgrand Geely (https://www.masrmotors.com/vb/forumdisplay.php?f=128)

- - ايمجراند .....خدعه جديده من غبور (https://www.masrmotors.com/vb/showthread.php?t=101343)

رد: ايمجراند .....خدعه جديده من غبور

اقتباس:

المشاركة الأصلية كتبت بواسطة osa92003 (المشاركة 788205)

مازلت باقول سبحان الله على كميه الشكر والعرفان اللى موجوده على عربيه لم تلمس الارض ومش عارفين هاتعمل ايه ؟؟؟؟؟ يعنى صور بس ويقولك جامده جدا ؟؟؟؟؟ بالرغم من الهجوم الرهيب على كل العربيات الصينى ؟؟؟ لكن بمعجزه تحول الهجوم الى شكر ومديح فى صور العربيه على الرغم من تجربه شركه جيلى فى مصر اللى هى جيلى فروته ومابل وكلها تجارب زى الزفت وبالرغمن من شكوى الناس السابقه فى الانجلون اللى كانت مع ابو غالى والناس كانت بتسب وتلعن بالرغم من انها كانت تقفيل صينى وارتفاع درجه حراره العربيه باستمرار الا ان الصينى بقى حلو اولا لازم نعرف بعض الحقائق عن العربيه :
1-الايمجراند هى بالضبط تماما الانجلون اللى كانت مع ابو غالى بس0 150سى سى بدل من 1800سى سى
2-السياره لم تحقق اى انتشار فى مصر وكانت هناك شكوى من ارتفاع الحراره
3-السياره تختلف تماما فى التقفيل الداخلى عما يضهر من صور فى المنتدى لانه الظاهره هى الفول اوبشن 1800 سى سى اللى بتنزل فى الخليج مش التقفيل المصرى الرائع جدا هههههههههه

ارجو من الجميع تقبل مرورى والانتظار والصبر حتى يتم على السياره من الاستعمال وخاصه ان معرض غبور رفض تماما فكره التست درايف للعربيه مش عارف ليه طبعا ؟؟؟؟؟؟

بخصوص التقفيل خد الصورتين دول هدية فقط لحين عمل الموضوع هدية مني ليك

http://www8.0zz0.com/2012/10/31/20/911762145.jpg

http://www8.0zz0.com/2012/10/31/20/919284738.jpg

http://www8.0zz0.com/2012/10/31/20/512029940.jpg

ومش من النت دي من الطبيعة الطبيعية
وبعدين عايز اقولك حاجة
سيب اللي حجز وهيشتري يتحمل نتيجة اختياره لو طلعت كويسة من حظه لو طلعت وحشة يبقي يلوم نفسه فقط علي اختياره
انما انت ارتكبت نفس الخطا اللي من وجهة نظرك الناس ارتكبته
انك حكمت علي العربية بانها رديئة من قبل ما تتجرب زي ما انت زعلان ان الناس بتشكر في العربية قبل ما تتجرب
ومين عارف ما يمكن تطلع كويسة او ممكن تطلع العكس
لكن في النهاية اقدر اقول ان انا حجزت العربية خلاص
وانا متحمل نتيجة اختياري
( قل لن يصيبنا الا ما كتب الله لنا ) صدق الله العظيم
تحياتي

رد: ايمجراند .....خدعه جديده من غبور

والله يا جماعة مع كامل احترامى للمعجبين بيها ديه لو البى ام الفئه الخامسة الجديدة مش هكتب فيها اشعار كده الا على الاقل لما اركبها واجربها وساعتها اكون عنها نص رائى يكتمل بانى اقتنيها لفترة كافيه تعرفنى عيوبها ومميزاتها

اى حاجة طبعاً بتتكتب دلوقتى حماس مفهوم لعربية جديدة مش اكتر :Bravo:

رد: ايمجراند .....خدعه جديده من غبور

بسم الله الرحمن الرحيم
الحقيقه يا جماعه العربيه هنا في السعوديه وتعتبر اكتر العربيات الصيني انتشارا وكمان يمكن اكتر من عربيات كوري كتير في الانتشار وملاكها معظمهم بيقولو انها كويسه وفيه اقليه بتلعن فيها وده اعتقد موجود مع اي عربيه حتي البي ام دبليو هتلاقي برده ال يلعن فيها بس بدون جدال العربيه كشكل وتقفيل تضرب الانوس والفيرنا واللوجان بالجزمه احنا كلنا متفائلين بالعربيه ليه علشان وكيلها يضمن نجاحها اي عربيه صيني ممكن تنجح وتكتسح في مصر لو توفرت قطع غيارها بره التوكيل باسعار كويسه ولو وكيلها حسن السمعه ويقدر علي الاقل يحل المشاكل الكبيره ال ممكن تتوجد فيها والناس كلها عندها امل ان العاملين دول يكونو موجودين خاصة ان العربيه بتتجمع في مصر لمصر ودول شمال افريقيا كمان يعني بكمية انتاج كبيره تضمن توفير قطع الغيار وهي العامل الاساسي في انتشار اي عربيه احب افكركم غبور في اول التسعينات لما نزل الهيونداي اكسيل وكنا بنعتبر ال يشتري عربيه كوري يبقي بيرمي فلوسه في الارض وانا فاكر كويس قوي ان شركة هوندا في مصر نزلت اعلان كتبت فيه هوندا تساوي وزنها ذهبا وتقليدها يساوي وزنه صفيحا =يقصدو الهيونداي لتشابه الاسم بينهم= وشايفين طبعا الاكسل بعدها بقيت اكتر العربيات انتشارا في الفئه بتاعتها وقطع غيارها ببلاش وبعد كده جت الاكسنت القديمه وبعدها الفيرنا وكل العربيات دي قطع غيارها بقت ببلاش البلاش وعليها طلب في المستعمل وتعتبر صفقه مضمونه لل اشتراها واعتقد ان السيناريو هيتكرر مع الاميجراند وغبور مش غبي لان الاميجراند هتكون العربيه الرئيسيه لمصانع غبور بعد توقف انتاج الفيرنا السنه الجيه او ال بعدها يعني غبور من مصلحته يبذل اقصي جهد علشان العربيه تنتشر لانها هي ال هتفتح مصنعه وتشغل عماله وترجع استثمارته في المصنع بعد ميقف تجميع الفيرنا قريب ومع ذللك هنقول لل حجزها موفق باذن الله وان شاء الله العربيه تطلع عند حسن ظننا ونقول لل محجزش ونفسه يحجز اصبر شويه لحد منشوف ال اشتراها هيقول ايه عنها وايه مشاكلها وبالنسبه لموضوع ال 4 نجوم في اختبار السلامه الاوربيه دي حاجه طبعا كويسه مفيش كلام بس مش كل حاجه لان فيه عربيات كتير واخده 5 نجوم وبتعمل حوادث يشيب ليها الولدان يعني الاول والاخر ستر ربنا والفرق بين 4 نجوم بتوع ال اميجراند وغيرها من السيارات ال منها صيني ومتينه برده مش كبير بس ال نتمناه في الاميجراند انها تكون عربيه متوفر ليها قطع الغيار في كل مكان وتوكيلها يعرف يحل مشاكلها ان وجدت وكمان نلاقي تصنيعها وموتورها مش معقد بحيث يعرف يشتغل فيها الميكانيكيه بتوعنا واعتقد انها من النوع ده لان موتورها نفس تركيب وتكنولوجيا موتور الكورولا اوائل الالفينات وشكرا واتمني نجاح السياره لان نجاحها من مصلحتنا كلنا اولا هنلاقي عربيه كويسه وفخمه بسعر كويس لل هيشتريها وثانيا هتخلي باقي توكيلات السيارات تعيد نظر في طريقة التعامل مع الزباين وتغير سياسة التسعير بتاعتها وكله في مصلحتنا لل هيشتريها ولل هيشتري عربيه تانيه واتمني التوفيق للجميع وشكرا

رد: ايمجراند .....خدعه جديده من غبور

بس فى الاخر خلينا نتفق أن العربيه عامله بره سمعه حلوه جدااااااااااا
ولسه هتتجرب طبعا بس كفاية انك هتبقى راكب موتور بتكنولوجيا تويوتا والماتور يبقى بتقنية CVVT هتبقى جامده جدى

رد: ايمجراند .....خدعه جديده من غبور

اقتباس:

المشاركة الأصلية كتبت بواسطة MmFFoR (المشاركة 788260)

ممكن تقرير في دولة من الدول اللي حضرتك ذكرتها اللي اتجربت فيها العربية و حققت السمعة الطيبة؟؟؟ دا حتى شكلها بيفكرني بالنوبيرا او الفورد موديلات التسعينات!!!

طبعا دا حقك ياباشا . ولكنى اختلف معاك فى جزئيه الشكل لانها اجمل بكتير من عربيات يابانى واوربى . المهم شوف الرابط . وساواليك بالمزيد :http://www.fannat.com/ItemProperties...ategoryID=6045