الى خبراء الدايو
 

اهلا باعضاء المنتدى الجمال انا عندى مشكلة فى العربية دايو لانوس 96 هاحكيهالكم من الاول بدات الحكايه بسخونة فى العربية روحت للميكانيكى قالى ان العربية جايبة جوان وش سللندر وطلع وش السلندر وقاللى فيه شرخ لازم يتلحم بالمونيوم ويتجلخ وعمل روديل وغير الجوان بعد التركيب العربيه بتقطع جامد جدا والعربيه فى المشى تتخنق وبعدين تسرع وبعدين تتخنق لدرجة ان عداد السرعة بيبقى مذبذب مع تسقيفة عاليه جدا+ وجود رعشة فى الموتور لدرجة ان الكراسى بتتهز وهى شغالة بدون ما امشى بيها هو لما شاف الحال كده قال نغير بوجيهات غيرنا البوجيهات ولسه المشكلة موجودة قال نبص على الكتينه وبعد ما بص عليها قال ان سير الكتينه بيرخى راح مطلع الكتينه وقال مش هاتعمل كده تانى وتعالالى بعد يومين وما زالت المشكلة دى موجودة ومش عارف اعمل ايه وخايف يدخلنى فى متاهات ويخلينى اغير الدنيا كلها بدون فايدة ياريت حد يفيدنى ده ممكن يكون ايه لانه قال لو استمرت كده نغير بوجيهات تانى ونغير سير الكتينة وسلك البوجيهات وسير دينامو وسير التكييف انا مستنى ردكم وشكرا واسف للاطاله

رد: الى خبراء الدايو
 

ابه با جماعة محدش بيرد عليا ليه

رد: الى خبراء الدايو
 

من الاحسن بدل متغير حاجة انية تغير المياكنيكى دة وربنا معاك وعلى فكرة كدة العيب من وش السلندر وربنا معاك

رد: الى خبراء الدايو
 

كل الى غيرته مالوش دعوه بالرعشه غير الميكانيكي احسن واحتمال يكون العيب في سلك البوجيهات او ان الروديه الي عمله مش كويس
والله المستعان

رد: الى خبراء الدايو
 

بص يا كبير العيب اللي عندك دا كتينة والميكانيكي اللي انت بتعمل الشغل عنده مش عارف يظبط سير الكاتينة كويس انا مع النصيحة اللي الاخوة نصحوك بيها غير الميكانيكي شكلة كده علي قدة قوي