بيكانتو ولا هيونداى I10 ولا شيفروليه سبارك , افيدونى
 

محتارة بين التلاتة دول وعايزة اعرف ايهم افضل
او مواصفات كل واحدة فيهم وسعرها موديل 2011 و 2012
خاصة الموتور , السعة الداخلية للسيارة , هل هى اقتصادية فى البنزين ولا لأ , مدى وجود الامان
وبقية المواصفات , والمقارنة دى بغض النظر عن استعمالى للسيارة

رد: بيكانتو ولا هيونداى I10 ولا شيفروليه سبارك , افيدونى
 

طبعا البيكانتو باكتساح مشكلتها فى السعر
بتهيالى الهاى لاين معدية التسعين بفتحة سقف و مش متاكد بس بتهيالى فيها abs و ebd و airbags
طبعا ماتورها جبار يكاد يكون 1300 سى سى
واسعة من جوه

ال i10 الاوتوماتيك عن تجربة شخصية لانى لسة جايبها لمراتى 73500
واسعة من جوه تكاد تكون وسع اللانوس بس طبعا الشنطة صغيرة ( كده كده صغيرة فى التلاتة )
عالية بحس و انا سايقها ان شايف العربيات حواليا تحت
ماتورها 1100
ادائها معقول مش حاسس بفرق عن اللانوس غير لما بكبس بنزين اللانوس اسرع طبعا
الشكل الجديد ال facelift احلى بكتير من قبل كده ( بس البيكانتو الجديدة 2012 احلى )
جودة الخامات الداخلية رديئة مقارنة باللانوس ( شغل هنود ) شوفى بأه مقارنة بالبيكانتو

الى سبارك معرفش عنها حاجة غير انها شاسيه ماتيز و ادائها معقول بس اصغر واحدة من التلاتة

رد: بيكانتو ولا هيونداى I10 ولا شيفروليه سبارك , افيدونى
 

جزاك الله خيرا على الافادة , انا فعلا ميالة للبيكانتو اكتر من الi10 والسبارك
بس يا ترى هى افضل ولا كيا ريو ؟

رد: بيكانتو ولا هيونداى I10 ولا شيفروليه سبارك , افيدونى
 

الكيا ريو بالرغم انها فئة اعلي من كل دول الا ان بيكانتو 2012 احسن من ريو 2011 بإستثناء الحجم الي طبعا لصالح الريو بالاخص الشنطة
بس لو نزلت ريو 2012 حتكتسح الجميع

رد: بيكانتو ولا هيونداى I10 ولا شيفروليه سبارك , افيدونى
 

طب البيكانتو والريو 2011 عاملين كام وال2012 بردو ؟
وياترى البيكانتو 2011 تختلف عن ال2012 فى الشكل بس؟
ولو فى اى معلومات عن الريو 2011 و2012 ياريت اعرفها بعد اذنكم
جزاكم الله خيرا