هل فعلا النيسان صنى حوت بنزين
 

يا جماعة لو سحمتوا انا كنت بفاضل بين الميتسوبيشى لانسر و النيسان صنى (لسه مش عارف سوبر صالون و لا اى اكس صالون) المهم انا لاحظت ان فى ناس كتيير بتشتكى ان النيسان حوت بنزين فهل ده فعلا صحيح و هل تم علاج هذه المشكله فى موديلات 2011 و كمان هل فرق العفشة يستاهل فرق التمن بين السوبر والاى الاكس صالون ؟
و لو حد يتكرم من الناس اللى اشترت السوبر صالون يوقولنا اسعار 2011 عامله كام يبقى كويس جدا .

رد: هل فعلا النيسان صنى حوت بنزين
 

شوف ياعم معتز
واضح ان اللى قرو الموضوع كتير ومحدش عنده فكرة
ومعذرة انا اكتشفته متأخر
ونرد ونقول
انا عندى صنى 2008 وعاملة 79 الف كيلو لحد دلوقت ولاحوت بنزين ولاغيره
استهلاكها فى البنزين ممتاز رغم ان موتورها اقوى موتور 1600 فى السوق (118 حصان )
الـ 10 لتر بيمشوها 125 كيلو على الطرق السريعة
يعنى بأسلوب بعض اخواننا 250 كيلو فى الصفيحة
وداخل المدينة بتعمل حوالى 100 كيلو لكل 10 لتر
ولو فلتر البنزين تعبان شوية هتعمل 80 كيلو لكل 10 لتر
عيب العربية ان زيها زى معظم السيارات الحديثة لاتقبل الا بنزين 92 واذكر مرة انى حبيت اوفر وحطيت بنزين 90 كركرت وطلعت صوت وروحت للتوكيل وحذرونى من استعمال بنزين اقل من 92 وفرغو ال 90 كله
طبعا ممكن تسمع بعض الفلاسفة هيقول لك نعمل كذا ونسوى كذا علشان نحط لك فيها بنزين 80 متسمعش كلام حد لانك هتبوظ موتور قوى جدا
ويكفى انك تعرف ان موتور النيسان الأصلى تمنه 27000 جنيه
ولو عايز توفر بعد م تمشى بيها10000 ركب غاز وهو ممتااااااااااااااز
وانا مشيت بالغاز اكتر من 45 الف كيلو وماشاء الله ممتااااااااااز
لكن طبعا مفروض كل 10000 كيلو تمشى مشوار حوالى 500 كيلو بنزين علشان تعمل نوع من تكسير الفحم ( الكربون ) اللى بيتراكم على الشربون

رد: هل فعلا النيسان صنى حوت بنزين
 

شاكر جدا يا استاذ خالد على ردك ونصائحك القيمة .
واتمنى لك دوام العافية

رد: هل فعلا النيسان صنى حوت بنزين
 

استاااااااااااااااااذ يا عم خالد والله

رد: هل فعلا النيسان صنى حوت بنزين
 

استهلاكها مش كبير ولا حاجة عادى يعنى