A B S
 

هل من الضرورى ساعة ما اشترى العربية لازم يكون فيها فرامل ABS

رد: A B S
 

اكيد لاء بس هي بتبقي موضوع امان وراحة اكتر

رد: A B S
 

بما انك متخص فى هذا المجال انا قرات التقرير الى انت عامله عن الفرامل بس لم افهم شى اسفة من النواحى الفنية الدقيقة لا اعرفها بدقة المهم انا معيش امكانية انى ادفع الفرق بتاع السعر بس لو حضرتك قولت لى انها ضرورية قوى لامان اولادى وانا لما نركب السيارة مع اننا مش اصحاب السرعات العالية فاية رايك هلى اجى على نفسى وادفه فرق السعر نيو اكسنت اوتو فقط و فل اوبشن من غير الفرامل abs ولا اشترى من غيرها شكرا

رد: A B S
 

السلام عليكم اسمحيلى حضرتك اتدخل فى الموضوع

بدون الدخول الى النواحى الفنية فرامل ABS هو نظام يمنع انزلاق السيارة و خصوصا عند الفرامل المفاجئة أو فى حالات المطر و الأرض عندما يكون عليها رمل أو زيت

يعنى لما حضرتك تفرملى عمر ما العربية هتتزحلق و تزحف مع الفرامل من النوع ده و كمان ده بيبقى مهم جدا لما تفرملى فى المنحنيات و بيكون توجيه العربية اكتر دقة كمان يعنى الدركسيون بيوديكى فى الحتة اللى انتى عاوزاها بالظبط لو انتى بتفرملى و انتى بتلفى بعكس الفرامل العادية

انا من رأيي انه من مواصفات الامان المهمة جدا جدا جدا جدا و يا ريت حضرتك تجيبى عربية فيها ABS لأنها بصراحة انقذتنى انا شخصيا من كذا حادثة بفضل ربنا و ستره

و ربنا يوفقك لما فيه الخير ان شاء الله

و ده كذا فيديو بيوضح الفرق بين الفرامل العادية و ا ايه بى اس
http://www.youtube.com/watch?v=xd5KDvXbE3M
http://www.youtube.com/watch?v=hnjsz...eature=related

رد: A B S
 

دا احسن رد يا فندم , الشرح والرد في الاتقابس هنا
جزاكم الله كل خير
وطالما فيها اولاد يبقي خلينا في الامان اكتر
وانا ولا متخصص ولا حاجة كلنا اتعلمنا وبالتوفيق ان شاء الله