|
ابويا الحاج هينفخنى (مراية الصالون وقعت ) - نوبيرا 2008
مساء الجمال عليكوا كلكوا و يارب يكون النهاردة كان يوم احسن من اللى فاتوا :D
لسه مخلص امتحانات (( اولى طب بيطرى )) و الواحد هيشم نفسه و يشوف العربية اللى بقالها اسبوعين مكانها متحركش .. اخر مشوار كان فـ النوّة الاخيرة و اتعمل معاها الصح فـ الشتا .. التفكير المنطقى : اغسل العربية و اظبطها التنفيذ : اخدتها ع البنزينة و اديتها غسلة ع الواقف كدا بسرعة .. فاقت و بقيت تمام .. الصالون دا بتاعى طبعا و مسؤليتى .. رجعت ركنتها و اتغديت .. يلا بينا .. سحبت العدة و قولت يا مهوّن ميجا اف ام و هتعامل .. التابلوه و القطمة و الكاسيت و هوايات التكييف .. كله اتظبط البريبريز و المراية فجأة .. هوووووووب .. طلعت فـ ايدى !!!!!! مراية الصالون ملزوقة ع الازاز .. بمسحها بـ حنية وربنا ما زعلتها فـ حاجة لقيتها تك فـ ايدى ! المطلوب حد يلحقنى يقولى ترجع ازاى زى ما كانت .. مش عايز سيرة سيليكون لانه بيبان و العربية بحالتها .. وبعدين انا كنت لسه بقول نبيعها و نجيب حاجة تانية .. هبقا اعمل اعلان لما اغسلها و اديها كان صورة .. خلينا دلوقتى فـ المراية .. المراية قواعدها سليمة .. المراية مش بتعدّى من الازاز .. المراية مجرد ملزوقة .. قاعدتها زى رخام كدا .. و المادة الملزوقة بيها زى الامير الشفاف كدا .. اتمنى اكون شوفت صح معلش لان الدنيا ضلمة .. ها .. الحل و تكلفته .. و لكم جزيل الشكر اسف جدا ع الاطالة .. بس معلش .. انا فاضى :D |
رد: ابويا الحاج هينفخنى (مراية الصالون وقعت ) - نوبيرا 2008
صور صوره ليها وهنقولك تعمل ايه بالظبط
|
رد: ابويا الحاج هينفخنى (مراية الصالون وقعت ) - نوبيرا 2008
اطلع على اقرب واحد بتاع زجاج سيارات وهو هيلصق المراية صح من غير متبان
وبالكتير هياخد 10 جنية وتقبل مرورى |
رد: ابويا الحاج هينفخنى (مراية الصالون وقعت ) - نوبيرا 2008
اقتباس:
اهى .. المكان بتاعها معليهوش اى علامة .. و القاعدة زى ما تكون خامتها زى قاعدة السيراميكة http://www.up-aa.com/upfiles/RXz27774.jpg http://www.up-aa.com/upfiles/Lso27773.jpg http://www.up-aa.com/upfiles/PLh27773.jpg http://www.up-aa.com/upfiles/tKg27773.jpg http://www.up-aa.com/upfiles/ZtT27772.jpg |
رد: ابويا الحاج هينفخنى (مراية الصالون وقعت ) - نوبيرا 2008
اقتباس:
لو حد يعرف المادة اللى هتتلزق بيها يقولها و انا اجيبها و اتعامل .. شكرا للافادة |
| الساعة الآن 05:17 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017