مصر موتورز مجتمع السيارات - محتاجين حد في الزقازيق لاكسيل

اقتباس:

المشاركة الأصلية كتبت بواسطة michohat (المشاركة 249646)

اعرف سمكري شاطر بس غالي
هوا بعد ما تعدي كوبري ميدان الزراعه وانت فى طريقك للشوبك مع اول يوتيرن قبل شيبوب ( قصاد كماليات الطيب ) لف و ادخل فى الناحيه التانيه من الطريق اللى فيها العمارات ومن هناك اسئل على عبدالله ابو السيد
هوا صنايعي بيعمل الشغل على اصولة وبيغير اللى بيحتاج يتغير ويصلح اللى ينفع فيه تصليح وبيراعي ربنا دي شهادتي عنه لاني اتعاملت معاه اكتر من مره
ولو قولت له انك من طرف مجدي اللى معاه ال 131 هيعمل معاك واجب كويس

طيب طالما عارفه ما تاخد رقمه وتروحوا سوا

اقتباس:

المشاركة الأصلية كتبت بواسطة semo99 (المشاركة 248815)

انزل الاسماعيليه اهي جنبك وبجد فيها ناس اعرفهم شخصيه خرافه في التظبيط بس مشكلتهم يمكن يكونو سعرهم اكتر من الحرفي كتير اوي

يعني من قلة الصنايعية في الزقازيق الراجل بيقولك عاوز حد جنبي علشان الراحيه والجاية اروح اسماعيليةو اصرف كل يوم 15 او 20 جنية على ما اخلص تظبيط مش اقل من 10 ايام يبقى فرق الاجرة ده لو فيه فرق يتعوض في الفترة دي

والا عندك في اسماعيلية هعملوها ببلاش

اقتباس:

المشاركة الأصلية كتبت بواسطة أحمد فارما (المشاركة 252356)

منور يامجدي
منوووووووووووور..قفشتك ياااااض

الزقازيق فيها صنايعية في الزراعة كويسين جدا
بس حراقين جدا

جدا جدا جدا جدا

اقتباس:

المشاركة الأصلية كتبت بواسطة michohat (المشاركة 253556)

ده نورك يا دكتور
اخبارك ايه
على فكره مكان كتب الكتاب اتغير ان شاء الله هيكون فى جامع الزراعه اللى ورا امن الدولة
وانت جاي من المحافظة وفى اتجاه الجماعه قبل امن الدوله في شارع يمين ادخل فيه هتلاقي فى اخر الشارع مأذنه الجامع لونها ابيض

الف مبروك يا باشا وعقبال ما تفرح بالذرية الصالحة ان شاء الله

صنايعية الزقازيق اللي اعرفهم كويسين

ميكانيكا
احمد الابيض قصاد جامع الشيخ عبد العزيز راج لكويس ومعاه رجاله زي الفل وامين على حاجتك وفيه كل الممميزات اللي تحتاجها من صنايعي ولو مش هيعرف يعملك حاجة هيقولك مش هقدر وتروح لفلان لكن عيبه حاجتين الاول زحمة على طول والتاني غالي شويتين

فيه على طكريق الزريقية بعد شارع وادي النيل اكتر من واحد وفيه على طريق الشوبك لكني معرفش انا سمعت ان فيه ناس كويسين لكن معرفش مين

فيه على طريق هرية الجديد بعد نزلة الكوبري اللي بيتعمل لسه فيه عم عبد العزيز ميكانيكي وفيه كذا واحد سمكري هناك ممن تيص عليهم

وفيه عند العمارة الصفرا بعد كلية زراعة واحد اسمه مسلم ميكانيكي كويس لكن شغله مش في حاجات كتير ممكن تروحله وهو حنين قوي في السعر وبيعمل كل اللي انت عاوزة لكن حظه قليل
هو مش متعلم بس مخه نضيف قوي

فيه عم علي وابنه دول على طريق العصلوجي بعد لما تعدي مفارق الزراعة مع طريق العصلوجي وتلفي وانت رايح على العصلوحي هو اول ورشة على الناصية وده كويس جدا في البيجوا والدايو معرفش بقى في الاكسل ايه

وفيه واحد قصاد جامع عبد العزيز برضة جنب وحدة الصحة خلف النادي لكن معرفش اسمه ايه بس زي احمد الابيض زحجمة ومغلواني شويتين

كهرباء
محمد قصاد جامع عبد العزيز محل سيارميك نبيتي جنب مخبز افرنجي وبيشتغل في الكهرابء وتقريبا معاه واحد للتكييف علشان بشوف كتير عربيات مرسيدس وبي ام وهوندا بيتنزل عنده تشحن تكييف

فيه ياسر الحمار قصاد احمد الابيض على طول هو غلبان وصنايعي كويس لكن معرفش اذا يقدر يشتغل في حاجة حديثه والا لكنه مش بيغلي على حد وبياخد اقل من حقه كمان

سمكرة فيه عند المشاية الي قصاد ميدان الزارعة من تحت الكوبري قصاد بوابة الكلية على طول كذا واحد بيشتغلوا في النقل وفي الملاكي ممكن تنزل تبص على شغلهم
وفيه واحد قصاد المشاية التانية الللي قدام بوابة المدرسة وانت داخل على المساكن القديمة اللي هناك بعد لما تعدي الارض الزارعية بتاعت مدرسة الزراعة
ده انا شوفته مرة عدل عربية جيب بتاعت الجيش القديمة قوي دي وخلى شكلها زي الجيب شيروكي مع اختلاف الشكل الكبير بينهم طبعا لكن على الاقل عمل حاجة غير معتاده
وعلى طول بلاقي عنده عربيات ميكروباصات من السويسي بتشتغل عنده كتير

الافران فيه كذا واحد معرفش مين احسنهم لكن السمكري بيكون عارف ويار واحمد الابيض لو روحتلهم وسألتهم هيكونو عارفين خصوصا ياسر علشان ساعات بيقف مع حد يظبطله عربية

ميكانيكي عفشة
عم علي عفشة وابنه دول في الشارع الضيق اللي قبل صيديلة الحجازية ولو محتاج حاة مستعمله ممكن تلاقي عننده حاجات قديمة بيظبطها مساعدين او طنابير لكن مش كتير ومش بيعمل كده غير لو بتعمل عنده الشغل

ناصر في الشارع الي قصاد احمد الابيض الميكانيكي

وفيه واحد تاني في اخر الشارع بتاع تلاجه العدوي

واي ميكانيكي ممكن يظبطهالك بس لو متخصص يبقى احمد الابيض ممكن يربطلك عليها ومسملم وعم علي العصلوجي كلهم ممكن يعملوها تظبيط لكن لو عاوز شد وكده يبقى افضل تروح لواحد متخصص

الرادياتير
فيه صلاح في اخر وادي النيل جنب صيدلية الحجازية
وفيه واحد بعد ما تعدي طريق الزرقية

الزيوت فيه وحيد قصاد صيديلة الحجازية

الاكسسوارات
شارع وادي النيل من اول جامع عبد العزيز وانت طالع على الزرقية لما تخلص شاره وادي النيل وتكمل شوية في طريق الزرقية بتاع 500 متر كل دي محلات قطع غيرا واكسسوار وتغيير زيوت ورادياتير

المستعمل تخرج من وادي النيل شمال بدل ما تروح الزراعة يمين لا بتدخل شمال هتلاقي هناك كذا واحد طكول منتا ماشيلغايه لما توصل السكة الحديد وتعدي وهتلاقي برضة بعد لما تعدي بتاع 4 او 5 كمان

الدهانات فيه واحد واخد توكيل من شركة القنطرة قبل المزلقان على طريق هرية الجديد قادم جامع خير الله وفيهواحد تاني عند الكوبري الجديد لكن الاول افضل علشان المنطقة كلها صنايعياهو السحب عنده على طول يعني مش هيكون عنده مركون

ضبط الزوايا والترصيص
طبعا استاذ ضبط الزوايا والترصيص شيبوب الجمهورية كلها بتروح عنده ( الكلام ده طباع قبل المراكز ما تنتشر كتير والاجهزة بتاعت الضبط تنزل سعرها والناس تشتريها لكنه الزال محتفظ بقيمته افضل واحد يظبط زوايا )

فيه المركز الهدنسي بعد لما تخرك من شارع وادي النيل شمال جنب بتوع الاكسسوار والمستعمل استيراد

وفيه واحد تاني تقريبا في شارع كليه الزراعة لكن معرفوش

لو وقتك معاك يبقى افضل تروح لشيبوب لكن ابعد عن الخميس وايام العطلات الرسمية والاجازات لان كل واحد من محافظة انية بيستغلها فرصة وينزل على شيبوب وانا فاكر مرة قعدنا عنده 5 ساعسات في عربية ابن خالي كان قبل الوقفة بيوم

الكاوتش والجنوط
شيبوب موقف المنصورة
او عند الكوبري الجديد بتاع توكيل ميشلان

ده في حدود علمي
للأسف مقدرش افديك اكتر من كده لاني بقالي كتير قوي مروحتش لميكانيكي لان الحمد لله مفيش عربية
هههههههههههههههههه

شارع مدينة الطالبات ورا الكمين قبل لكوز فيه كذا واحد سمكرة واعتقد فيه فرن هناك

دول اللي افتكرهم دلوقتي