|
معاك 128 وخايف بطاريتك تتسرق او الاستبن والكوريك يتسرقوا تعالى واقولك على الحل الفعال
السلام عليكم ورحمة الله وبركاته طبعا كلنا عارفين ان ال128 تعتبر اجمل عربيه بالنسبه للحرامية اللى بيسرقوا الطاريات والكوريك والاستبن وده علشان كبوتها وشنطتها بيتفتحوا اسهل من باب التلاجه بتاعت البيت طبعا انا اتلسعت قبل كدا فى البطارية وفى الاستبن وكان غصب عنى لازم اعمل حاجه توقف الموضوع ده المهم عملت الاتى روحت عند حداد وليس سمكرى لان الحداد عنده لحام بالكهرباء وجبتله اربع جنازير ولحمهم فى قعدة البطارية ببنط لحام محترمة بحيث يبقى كالاتى زى ما هو باين فى الصور http://www11.0zz0.com/2012/05/30/13/927670025.jpg http://www11.0zz0.com/2012/05/30/13/488793160.jpg وبكده تكون قافل على البطارية كويس من الارع اتجاهات وتجمع الاربع جنازير فى نص البطارية بالظبط وتكون شادد الجنازير كويس علشان متكونش ولا كأنك عامل حاجه وطبعا الحامى ربنا عز وجل بس احنا بنعمل اما بالنسبه للستبن و الكوريك فهتجيب جنزير طويل وتدخلة من جوا جسم العربيه فيه حديده جامده فوق كارتيرة الكاوتش الخلفى جوة الشنطة وهتروح مدخل الجنزير فيها وبعدين تحدخل الجنزير فى الاستبن و الكورييك وبعد تقفل عليهم بالقفل بس ديه للاسف مش مصورها دلوقت بالنسبه لاسعار حماية البطارية فكانت كالاتى 4 جنازير الواحد ب 5 جنية= 20 جنية قفل محترم بمفتاح كمبيوتر مبيتفتحش الا بمفتاحه =25 جنية مصنعية لحام = 20 جنية يبقى كله يساوى = 65 جنية بالنسبه للاستبن فديه بقى مش هقدر احددها لانها حسب الطول اللى انت عاوزه للجنزير والقفل اللى انت عاوزوه برضوا وربنا يستر علينا ان شاء الله و السلام عليكم ورحمة الله وبركاته |
رد: معاك 128 وخايف بطاريتك تتسرق او الاستبن والكوريك يتسرقوا تعالى واقولك على الحل الفعال
ربنا يهدى الناس اللى بتسرق دى
|
رد: معاك 128 وخايف بطاريتك تتسرق او الاستبن والكوريك يتسرقوا تعالى واقولك على الحل الفعال
اقتباس:
اه كل الجنازير دى كفاية اوى متر ونص حته واحدة يتلف من تحت قاعدة البطارية وقفل كمبيوتر من الجنب تعدى الجنزير من المقبض بتاع البطارية ويكون محكم عليها الجنازير دى لو لمست فى الموجب ف ثوانى البطارية هتبقى شوربة بطارية لا قدر الله |
رد: معاك 128 وخايف بطاريتك تتسرق او الاستبن والكوريك يتسرقوا تعالى واقولك على الحل الفعال
هى فكره بس بصراحه المنظر صعب جدا
ربنا ينتقم منهم الحراميه |
رد: معاك 128 وخايف بطاريتك تتسرق او الاستبن والكوريك يتسرقوا تعالى واقولك على الحل الفعال
موضوع وفكرة جميلة جدا
ومشكور على التفاصيل بس فيه ملاحظتين مع مشيك بالعربية الاقفال والسلاسل هتتهز وهتعمل ضوضاء فى الحوض او ممكن زى ماقال استاذنا Hisham al gazzar تعمل تلميس فى الموجب تبقى كارثه وفكرتك يمكن تعديلها الى حل أفضل روح لبتاع اللحام وخليه يركبك خوصتين بالطول والعرض بس يخلى المقاس بعيد عن الموجب والسالب وهيبقى الشكل اجمل وامتن ويعملك ثقب فى الخوصتين للقفل والله الموفق |
| الساعة الآن 01:29 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017