للرد على استفسارات الاعضاء والدعم الفنى لمالكى الفيرنا
 

أخوتى الكرام أرحب بكم
وأدعوكم اذا كان عندكم أى أستفسار أو مشكلة بخصوص الفيرنا وان شاء الله هنساعد بعض ونستفاد من خبراتنا من خلال المشاركة فى هذا الموضوع ... ولكم تحياتى،،،
(اللهم أعطنا خيرها ....... وأكفينا شرها)
آمــــــــــــــــــــــي ن يـــــــارب العــــــالـــــمـــين
:140109~347:yesyes

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

تسلملنا يا استاذ تونسي علي الخدمة الجميلة ديه وربنا يجعلها في ميزان حسناتك

وكنت عايز اخد رائيك في موضوع لما بدوس فرامل بسمع صوت صرخه في الكاوتش اكني بأمرك بيها ده حله ايه اغير الكاوتش ولا اظبط زوايا

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

يا أهلا بيك corsair باشا
بص المشكلة دى موجودة عندى وعربيتى 2011 وظبط الزوايا لحد دلوقتى 3 مرات ورصصت ومليت الكوتش نيتروجين وبرده والصوت مراحش
والسبب فى الصوت ده بيرجع لعدة عوامل :-
1-نوعية الكاوتش ويفضل انك تستخدم نوعية بريدجستون أو ميشلان أوكومهو أو جى تى أو هانكوك
وأنا طبعا ما غيرتش الكوتش وناوى أفرمه لحد ما يجيب آخره
2-طبيعة الفيرنا أن عفشتها بتفك بسرعة بالذات مع شوارعنا الجميلة مما يستلزم تربيط وظبط زوايا على الاقل مرة كل شهر أو شهرين حسب استخدامك
3- الاسفلت اللى أحنا ماشيين عليه ممسوح ومتاكل وناعم لانك لو تلاحظ أنك لو ماشى على طريق نظيف ولسة متسفلت جديد مش هايعمل معاك الصوت الحلو ده
وبعدين يا سيدى حلوة الامركا مالها يعنى ههههه ..... أرجو أن أكون أفدتك SLAM

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

موضوع بجد هايل ربنا يجزيك عليه خير
بالنسبه للستاذ corsair
انت اكتر واحد حاسس بعربيتك
يعنى ممكن يكون زوايا وممكن يكون كاوتش وممكن عجله بتقفش عن عجله
وابقى شوف العافشه برده

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

تمام كدة yesyes

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

ربنا يجازيك خير

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

أخي العزيز معايا فيرنا 2011 1600 مانيول المهم من فترة المؤشر البنزين كان نازل شوية روحت مفول وبادور العربية لقيت المؤشر مش راضي يرفع ولكن بعد كام مشوار رفع ووصل لعلامة f رحت التوكيل عشان اعمل صيانة 5000 وقلتلهم عليها راحو مغيرين العوامة ومن هنا ظهرت المشكلة أولا بعد ما افول مؤشر البنزين بيرفع وبيعدي علامة f كأنه هايطلع من العداد والي يضحك ان المؤشر كان فوق النص بشوية رحت مفول لقيت عامل البنزين بيقولي 27 لتر قلت ازاي والمؤشر فوق النص وتانك الفيرنا 45 لتر قلت في نفسي ياريتني ما قلتلهم عليها في التوكيل دول بدل ما يكحلوها عموها ( توكيل الغردقة ) ده كانت اشتغلت ..... يا جماعة حد فيكم قابلته المشكلة ده وحلها ازاي ؟؟ ... وكمان سؤال هو تركيب عوامة جديدة محتاجة ظبط معين مع المؤشر ولا لالالا ؟؟؟... عشان عمنا غبور ساعات بيشغل صنايعية مش قد كدة عشان يوفر والسلام لأن الصنايعي الي كان شغال في عربيتي كان شاب صغير وكان غرقان في شبر ميه زي ما بيقولوا