مصر موتورز مجتمع السيارات - للرد على استفسارات الاعضاء والدعم الفنى لمالكى الفيرنا

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

اقتباس:

المشاركة الأصلية كتبت بواسطة corsair (المشاركة 537843)

الله عليك يا استاذ تونسي افادك الله

انا ليا بقا سؤال معلش من اسبوع كدا والفتيس عندي تيجي عليه لحظه يبقي تقيل جدا فوق ما تتخيل بحس علشان ادي اي غيار هخلع عصاية الفتيس من مكانها

ولما اتحرك بيها شوية الفتيس يرجع يبقي خفيف تاني زي الاول

روحت علي مركز الصيانه كشفوا علي الزيت لقوه كويس

وقعدوا ينضفوا في الفتيس من التراب يجي ساعة كل ده من جوا صالون العربية شالو القاعده الفيبر اللي حوالين عصاية الفتيس

وبعد ما مشيت من عندهم والعربية تمام لقيته تاني يوم بردك عمل الحركه ديه

ده يبقي ايه بقا

شوف يا باشا العيب ده دايما بيبان مع دخول الشتا والجو البارد وخصوصا فترة الصبح بدرى وده سببه ان زيت الفلفلين (زيت الفتيس) اللى موجود عندك لزوجته 140 عالية وده بيبقى فى الجو البارد بيبقى عامل زى الشحم ومع حركة الفتيس بيحل وبيرجع لصورته الطبيعية زيت فتلاقى الفتيس نعم معاك
الحل بقى انك تروح لبنزينة موبيل وتنزل زيت الفتيس اللى عندك وتحط زيت موبيل لزوجة 90 وده المناسب لفتيس الفيرنا ومتخلهمش يحطولك من الزيت السايب حط من العبوات الكيلو والفتيس تقريبا بياخد 2 لتر وسلملى على مركز الصيانة .... وابقى ادعيلى ربنا يسدد ما علينا جميعا:THE_PR~18:

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

حبيب قلبي والله يا تونسي باشا وانا يعلم ربنا بدعيلك بسبب خدمتك للاعضاء ومن قبل ما اطلب منك الاستفسار ده وربنا يسدد ما علينا جميعا ويفرجها علينا وعلي بلدنا

وتسلملي يا اغلي الغاليين وتقبل تحياتي

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

اقتباس:

المشاركة الأصلية كتبت بواسطة corsair (المشاركة 538537)

يا باشا مقدرش والله على الكلام الحلو ده
وانا ببقى مبسوط والله لما بحس انى بساعد اى حد بتواجه مشكلة مع عربيته
لان ياما دقت على الراس طبول .... اخوك ياما عانا من المستعمل وبلاويه
فحبيت انى افيد الناس لوجه الله تعالى وربنا يكرمنا جميعا ويسترها معانا يا رب
واعتبرنى اخ ليك فى اى وقت و فيفي لو قلت معاك فى اى وقت ابقى كلمنى على 01003511943 :w6w2005041113562663

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

هى الفيرنا بتنزل بمساعدين غاز وﻻ زيت؟,,,,,, عشان اثناء البحث على موقع شركة مونرو طبقا للموديل اختارلى مساعدين غاز

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

اقتباس:

المشاركة الأصلية كتبت بواسطة lost2008 (المشاركة 539330)

المساعدين الغاز افضل هتخليك تحس ان العفشة طرية بس الفرنا بتنزل بمساعدين زيت