مصر موتورز مجتمع السيارات - للرد على استفسارات الاعضاء والدعم الفنى لمالكى الفيرنا

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

اقتباس:

المشاركة الأصلية كتبت بواسطة noor a.s (المشاركة 543561)

مساء الخير ياجماعة .. اختكم فيرناوية جديدة وجبت الفيرنا بعد طول بحث فى المنتديات وسمعت عن عيوبها اللى انتم كاتبينها بمنتهى الامانة بجد ربنا يكرمكم , ومعايا فيرنا مانيوال كاملة 2012 المهم ده اول عربية ليا بالاضافة إنى الحمد لله مبفهمش فى العربيات وبجد مش قادرة الاحظ العيوب ده وحاسة انها ممكن تكون عندى بس لعدم خبرتى مش شايفاها , ثانيا انا لسة سواقة جديدة يعنى اكيد ممكن اعمل حاجات غلط عالعربية ومعنديش اللى يوجهنى فياريت بقى نصايح احافظ بيها عالعربية وكنت عاوزة اعرف هى العربية الجديدة محتاجة تسخين قبل ما اطلع بيها ولا لا؟؟؟ وحاجات كتير من الاخر انا هزهقكم بس استحملونى بقى (((: وبجد انا معجبة جدا بصدق ردودكم والمحايدة فى الكلام عن العربية .

مبروك يا فرناوية هانم وربنا يديكى خيرها ويكفيكى شرها بصى العربية عموما ما بتحتاجش تسخين ولا حاجة بس روح العربية الزيت والمياه يعنى الزيت يتغير فى مواعيده وبالنسبة لك علشان انتى ست فوضى امرك لله وتابعى الصيانة الدورية مع غبور واشترى دماغك والعربية ممتازة واعطالها مش كتيرة بس لو ايديك فيها باستمرار ومتهملهاش
وبعدين انتى دلوقتى فى فترة التليين يعنى يستحب اول 5000 ك متزوديش السرعة عن 90 ومتحرقيش غيارات يعنى متخليش صوت الموتور يبقى عالى و RBM ما يعديش 3 علشان تحافظى على طول عمر الموتور وعلى مهلك وواحدة واحدة وربنا يسترها معاكى ومعانا ... وفى اى وقت لو عندك اى استفسار انا وزملائ الاعضاء موجودين ... ولكى تحياتى :1200F8~158:

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

على فكرة أنا عربيتى 2007 والمشكلة دى طبعا فيها ...بس الى عايز اقولة ان كل العربيات ألى أقل من 100000 جنية بتكون كدا ( فيرنا . نوبيرا . لانوس . أكسنت ... أوبترا ))) دة لأن العربيات دى فرد الشاسية بتاعتها طرية بتاخد وتدى يعنى لما بتدوس فرامل بيكون فى نسبة فتح وقفل الشاسية تقدر بلملي متر ..بس طبعا بتبان فى الكاوتش ....(( على فكرة أنا كوتشى كومهو جديد والى كان قبلة بريد جستون والعفشة مفيهاش اى حاجة وظابط زويا وكلة تمام ... ))) وتاكد من كلامى وسمع صوت أى حد راكب عربية تانية أقل من 100000 جنية جنبك وهو بيدوس فرامل.. أسف للاطالة

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

اقتباس:

المشاركة الأصلية كتبت بواسطة tonsy1979 (المشاركة 541786)

ربنا يوفقك أبقى قولنا التفاصيل علشان الاعضاء يستفادوا ... وشكرا

لسة مغيرتش زيت الفتيس عشان مش لاقى الزيت المناسب 75w-90 GL-4 و احب انصح الفيرناوية اوعى تستخدم اى زيت فتيس ال API بتاعة GL-5 زى بتاع شل العلبة الحمرا لان ده متصمم و مناسب للكرونة فقط و استخدامة فى الفتيس بيدمر فرش الفتيس بعد فترة و الحمدلله انى عرفت قبل محطهه و الكلام ده اتاكدت انه مظبوط من اكتر من موقع سيارات لما عملت بحث عن الفرق بين ال api GL4 و ال API GL5 و منها موقع شركة موبيل , و متسمعش كلام عمال النزينات الى يقولك ده احسن و كويس انى عرفت و رحت رجعت الزيت الى اشتريتة تانى.

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

اقتباس:

المشاركة الأصلية كتبت بواسطة tonsy1979 (المشاركة 544005)

متشكرة جدا على رد حضرتك واللى فهمته انى مش لازم اسخن العربية يعنى ادور وأطلع ؟؟ طيب ازاى محرقش الغيار يعنى مثلا انا معظم مشاويرى فى قلب المدينة يعنى مش بزود عن اربعين بكون عالتانى والأول لازم اغير عالتالت ولا عادى اروح وارجع عالتانى مع العلم ان اطول مشوار مش اكتر من تلت ساعة مثلا ؟؟ وكمان سمعت انى لازم ازود الكاوتش كل كام يوم ؟ الكلام ده صح ؟؟ وكمان سؤال ايه الحاجات اللى تخرجنى من الضمان لو عملتها ؟؟ يعنى تعديلات فى العربية ؟؟ وموضوع الزيت ده اتغير فى صيانة الألف خلاص واعتقد انه هيتغير فى الصيانة الجاية متهيأهلى ال10000؟ ROSE4U

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

اقتباس:

المشاركة الأصلية كتبت بواسطة noor a.s (المشاركة 544174)

اهلا بحضرتك يا استاذه نور معانا في المنتدي وبالاخص قسم الفيرناويه

بالنسبة لموضوع التسخين كفايا اوي تسخني العربية لمدة دقيقه علشان الزيت ياخد وضعه في الماتور كويس

وبالنسبة لموضوع الغيار يعني الاول كفايا عليه لحد 20 والتاني لحد 40 والتالت لحد 60 والرابح لحد 80 وطالما انتي لسه جديدة في السواقه بلاش تزودي سرعتك عن 100 وانتي مسافرة لحد ما تاخدي علي العربية كويس

وبالنسبة للكاوتش كفايا تعملي شيك عليه كل اسبوع في الشتا وكل اسبوعين في الصيف

واي لعب في الكهربا او اي تعديل داخلي علي العربية في الميكانيكا او الشاسيه بيخرجها بره الضمان

وبالنسبة للزيت ليكي مطلق الحرية في تغيره يعني في زيت بيتغير كل 5000 كيلو وفي زيت كل 10000 كيلو ونصيحة خلي ال 10000 في الشتا وال 5000 في الصيف

وانتي بتركني عربيتك خليها في وضع مستوي وبلاش تبقي واقفه مايله علي اي جزء فيها

تابعي الميه فيها بصفه دورية شهرية وكمان مياه البطارية

ولو في اي سؤال تاني احنا تحت امرك