اسئلة عن صيانة الالف
السلام عليكم بداية ياجماعة قربت اكمل الف كيلو والحمد للة كمان العربية اتحكت حكة محترمة جزء من الباب خلف السائق وكمان اعلى الكاوتش والباكتة اللى عند منتصف الباب ذاتة اسمها باكتة صح الحمدللة كلة خير.ارجو ياجماعة الرد على اسئلتى :1- فى صيانة الالف كيلو اية مفترض يحصل فى الصيانة وهل فى فلوس هدفعها وكام ادفع وموزع السبع عطانى كوبونات خصم هل تصلح فى صيانة الالف
2- الحكة الجامدة دى الجمد للة لم يحدث نتيجتها اى انبعاج للصاج بس مش قادر احدد اذا كانت غائرة ام لا هى اتحكت فى حائط الجراج وممكن اعملها وقت صيانة الالف وتقريبا تتكلف كام. ارجو ارجو الرد على وافادتى |
رد: اسئلة عن صيانة الالف
ياجماعة لية ماحد رد عليا ارجو تفيدونى عن اسئلتى .الواحد مضايق شوية صراحة نعم كلة خير لكن اكيد ردودكم هتعين الواحد
|
رد: اسئلة عن صيانة الالف
بالنسبة للحكة جيب كومباوند من عند اى موان ب 3 - 4 جنية واستخدم المعجون اللى فى العلبة مع قماشة او قطنة على المنطقة اللى فيها الحكة (وادعك بيها الصاج) وبعدين امسحها وشوف راحت خالص ولا لاء
لو راحت يبقى مفيش حاجة غائزة لو لسه موجودة هتبان كخرابيش بسيطة ان شاء الله مش مستاهلة تتعمل فى توكيل ولا حاجة وعامة منصحش تعمل اى سمكرة فى التوكيلات لانها بتبقى غالية جداً عن الطبيعى تكلفة الصيانة واستخدام الكوبونات افضل تعرفهم بالاتصال بالمركز ساعة حجز الصيانة |
رد: اسئلة عن صيانة الالف
اقتباس:
بالنسبة للكوبونات بتبتدي من صيانة ال5000 (خصم 50 جنية من تمن الصيانة ) |
رد: اسئلة عن صيانة الالف
هو بالنسبة لصيانة الالف حضرتك هتتدفع حوالي 213 جنية بالضريبة . دا كان في توكيل الأسكندرية علي ما اعتقد. وبتغير زيت وفلتر زيت وببتشيك علي العفشة. و استخدم زيت موبيل
|
الساعة الآن 06:57 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017