مصر موتورز مجتمع السيارات - اختبار قيادة : تويوتا كورولا 2008 المزودة بعلبة التروس الذكية

مصر موتورز مجتمع السيارات (https://www.masrmotors.com/vb/index.php)

- Corolla (https://www.masrmotors.com/vb/forumdisplay.php?f=227)

رد: اختبار قيادة : تويوتا كورولا 2008 المزودة بعلبة التروس الذكية

انا مقلتش يا جماعة انو العربية سيئة فى المطلق, هى جيدة من بعض الجوانب انا كتبتها, مثل الراحة و الهدوء و الثبات على السرعات العالية, و لكن فى المقابل سوف تجد ان مشكلة علبة التروس تلك مسمعة فى اوروبا ايضا مش فى مصر بس, و السبب ان تويوتا حديثة العهد بمثل هذا النوع من علب التروس. و ويكيبديا ذكرت أن علبة تويوتا هى الأرخص و الأسوأ( على فكرة السيكونشال تكنولوجيا اوروبية جاءت متأخرة الى اليابان, و ليتها لم تأت!).

رد: اختبار قيادة : تويوتا كورولا 2008 المزودة بعلبة التروس الذكية

من خلال استخدامي للسيارة mmt لمدة عامين (60000ك) احب ان اقول ان هذا الفتيس افضل وضع له علي الأطلاق هو الوضع المانيوال وده فعلا اللى يعتبر اختراع كويس وهو استخدام المانيوال بدون دواسة دبرياج بالأضافة انه يلاحظ ان المستخدمين الذين يستخدمون الوضع المانيوال سياراتهم اقل اعطالا من الذين يستخدمونها في الوضع الأوتوماتيكي e و Es.

رد: اختبار قيادة : تويوتا كورولا 2008 المزودة بعلبة التروس الذكية

اولا انا الحمد لله من اصحاب التويوتا
و انا بقرأ التقرير اقسم بالله العظيم حسيت انك بتتكلم علي لادا ولا فيات
محرك ايه اللي كسول !!! و ايه هيه اللي مافيهاش عزم ؟!!!! كل دا علي التويوتا ؟؟!! و بعدين اللي انا اعرفه ان طريقه سواقه الناقل الذكي ليه طريقه معينه و لو معملتهاش حتعملك معاك المشكله اللي مش عجباك (مشكله الثواني الضايعه )
ثانيا: ازاي تقارن بين سياره هاتش باك بسياره سيدان مهما كان سعرها !!!!! مينفعش اطلاقا
اللانسر الشارك دي بدي كبير علي موتور ضعيف و ياما عربيات حططت عليها
و ازاي تجيب الكورولا للجيتا ؟؟؟؟
دي بكام و دي بكام و دي ايه و دي ايه ؟؟ ياريت يبقي في موضوعيه مش علشان حضرتك مابتحبش تويوتا تتكلم كلام غير صحيح
دا انت حتي المميزات الي بتقولها بتقول ( الي حد ما - نسبيه -جيده ) و نفسك مسدوده
جرب التويوتا كويس و خليك معاها و احكم
تويوتا صانع السيارات الاول في العالم

رد: اختبار قيادة : تويوتا كورولا 2008 المزودة بعلبة التروس الذكية

مع احترامى لكاتب الموضوع و وجهة نظرة بس
انت بتتكلم عن تويوتا ؟!
انا عندى تويوتا و راضى عنها فوق الوصف
بجد عربية ملهاش حل و سريعه و ثابتة على الطريق
و واسعه و تجميعها على الطريق رائع
وبسببها حبيبت اليابانى كله
و صراحة مش بفكر اسيبها الا علشان
اركب مرسيدس او بى ام دبليو و
اتمنى انك تقود التويوتا بشكل كافى
لتشعر بجمال هذه السيارة

مع احترامى و تقديرى

شادى ارمان

رد: اختبار قيادة : تويوتا كورولا 2008 المزودة بعلبة التروس الذكية

اقتباس:

تويوتا صانع السيارات الاول في العالم

هذه العبارة تتكرر كثيرا حتى فى اعلانات تويوتا,
للتوضيح, الاول على العالم فى رقم المبيعات فقط,
و ليس فى اى شىء اخر!