استفسار بخصوص هوندا سيفك 98
 

اعضاء المنتدى الكرام السلام عليكم ورحمة الله وبركاتة
لو سمحتو من فضلكم ادامى هوندا 98 معروضة عليا للبيع بس فيها مشكلة خايف اشتريها بسببها ,,,,, المشكلة دى بتتلخص فى ان العربية منطقة حرة بورسعيد ولذلك لا يسمح بإقتناء اى سيارة منطقة حرة بموتور يتعدى السعة الليترية 1500 سى سى
طبقا لقوانين الجمارك
الاخ الفاضل اللى المفروض هشترى منه مسقط شورت بلوك 1600 سى سى
ومعاه الافراج بتاعها وماشى بيها جميل ؟
بس فى فحص :D وفى الفحص هيترفع رقم موتور وشاسية
ولما الفنى يشوف الرقم غير مطابق للرقم فى الرخصة هيكتشف الموضوع وش
* صاحبها قالى ان الشورت بلوك مبيكونش عليها رقم.. وان الرقم بيبقى عالموتور نفسه
السؤال بقى الكلام ده حقيقى ولا هلف لفة ام العروسة علشان المفروض هخلص بكره انشاء الله
اسف انى طولت بس الله يباركلكم محتاج الرد فى اسرع وقت ورمضان كريم عليكم احبابى فى الله

رد: استفسار بخصوص هوندا سيفك 98
 

وعليكم السلام ورحمة الله وبركاتة وكل سنة وحضرتك طيب طبعا الكلام ده مش صح وليك حق تقلق وانصحك تشوف واحدة غيرها الشورت بلوك هو الموتور وتحديدا هو النصف السفلي من الموتور او بتعبير اخر هو الموتور بدون وش السلندر وباقي الكماليات مثل طلمبة الباور او الدينامو وباقي الاجهزة ويحتوي على الكرنك والبساتم والشمايز ... وطبعا تحتاج انك تروح للمرور اذا غيرت الشورت بلوك لان رقم الموتور بيكون مختوم على البلوك