حادث مذهل لسقوط BMW M3 من اعلى الجبل
http://www.blogcdn.com/www.autoblog....cliff-roll.jpg
حادث اكثر من مذهل قدر صاحبه يصورة لنفسه عن طريق تركيب كاميرا خارجية بالسيارة واصلاً الكاميرا ديه منتشرة بره كتير اوى ورخيصة واغلب الشباب اللى راكبين عربيات مميزة او بيحبو السواقة بيشتروها عادى علشان محدش يفتكر انه عمل فى نفسه كدة علشان يتصور المهم الراجل ماشى فى امان الله ومنجعص اوى فى العربيه البى ام الام ثرى والطريق جامد هو كمان وماشى الراجل وفجاءة حصلت الحادثة اجمل حاجة فى الموضوع او اجمل حاجتين بصراحة ان اولاً الشاب اللى عمل الحادثة ربنا نجاه الحمد لله والتانية ان الكاميرا سجلت الحادثة بشكل واضح وصاحب الحادثة قرر انه يرفع الفيديو تخليداً لذكرى عربيتة .. ام ثرى برضو يا جدعان الله يرحمها وهتلاقو فى الفيديو على الشمال صور الوحة بتاعتها وفى اخر الفيديو صور المرحومة شوفو الفيديو والصور www.youtube.com/watch?v=BkasHdSb1nQ ده فيديو تانى كان الواد عاملة لعربيتة ايام الشقاوة مع المرحومة http://www.youtube.com/watch?v=JjYXnYRUY2s وده الاكونت بتاعة للى عايز يتواصل معاه ولا يعزية http://www.youtube.com/user/jmg7zeroes?feature=watch |
رد: حادث مذهل لسقوط BMW M3 من اعلى الجبل
شكرا علي الموضوع
سبحان اللي نجاه من الحادثة ديه إم 3 و هاندلينج و ثبات خرافي بس النصيب بقي!! |
رد: حادث مذهل لسقوط BMW M3 من اعلى الجبل
اعزيه ولا اشتمه يا ابو نورا ..
المشكله انه لو كان فرمل كان لحق يلم العربية .. دى بى ام .. يعنى abs وebd .. ايه يا جدعان هيا فيرنا علشان تقلب القلبه دى .. غاوى انت تحسرنا كده يا ابو نورا ههههههههههه |
رد: حادث مذهل لسقوط BMW M3 من اعلى الجبل
يا حسام صدقنى الطريق ملوش كبير ربنا يكفينا جميعاً شره ولحظة سهو او شوية رمل قد كف الايد ممكن يقلبو اجدع عربيه
وبعدين عيد الفيديو وشوف لحظة دخولة على الملف هتلاقيه كان لامم يمين ع الاخر بس العربيه زحفت منه والملف كان صعب جداً |
رد: حادث مذهل لسقوط BMW M3 من اعلى الجبل
بس اكيد السرعه كانت عاليه جدا !! مش اقل من 200 فى اعتقادى ...و عموما الطريق ملوش كبير.., تحياتى
|
الساعة الآن 02:37 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017