|
اجيب ايه مستعمل كورسا- سيفيا - لانوس - M11
سلام عليكم
الحقيقة انا اول مرة اركب عربية و عاوز اجيب حاجة مستعملة و اللى معايا بيجيب لانوس او كيا سيفيا او اوبل كورسا سيدان 2003 او m11 الحقيقة كل منهم ليه مغرياتها لانوس موجودة بكثرة و ده يضمن انى مش هالوس فيه و هاعرف ابيعها بعد كده و كورسا تبع اوبل يعنى اكيد هابقى مطمن نعاها و m11 احسن منهم كلهم من حيث الشكل و الامكانيات و الفخامة لكن موضوع الصينى مقلق و السيفيا الناس بتقول جيدة اوى انا محتار اوى و قربت اشترى اى حاجة و خلاص انا من اكتوبر يعنى صباح المطبات الصناعية و الغير صناعية و صباح السواقة الطيران على المحور اسف على الاطالة افيدونى لكم الصواب و الدعاء |
رد: اجيب ايه مستعمل كورسا- سيفيا - لانوس - M11
عزيزى خلينى اتفق معاك موضوع المطبات دة مالهاش دعوة بالسيارة بالذات اد مالها عربية بسلوك قائد المركبة يعنى العربية مش مصنوعة علشان المطبات والنتؤات والحفر لازم تخلى بالك جدا جدا وتاخد اى مطب براحة خالص وبهدوء لانها اداه للانتقال وتذليل العقبات واختصار المسافات والوقت وبالتالى لازم تراعى عربيتك زى ما تراعى مراتك بالضبط تكون كويس معاها تفضل معاك ديما كويس لازم تبقى جنتل مع عربيتك مع الاستخدام الجيد والمراعة وعدم الشد وتحميل على المحرك بشدة مهما كان نوعها تعيش معاك مش 30 سنة لا 100 سنة
واذا دخلت مكان او منطقة متعرفاهش اول مرة تدخلها شوية شوية علشان متعرفش لسة تضاريس المنطقة وتفاجأ بمطب او حفرة لازم ديما شوية شوية حاجة تانية ممكن شوية توضيح ازاى عايز حاجة مستعمله وكاتب اسبرانز m11? فى انتظار مزيد من التوضيح؟ |
رد: اجيب ايه مستعمل كورسا- سيفيا - لانوس - M11
اسف اخى اقصد
A516 و انا معاك و شكرا جدا على كلامك لان اى حاجة انا بستفيد منها لانى معرفش فى مجال السيارات اكتر من الكورس بتاع السواقة الى خدته |
رد: اجيب ايه مستعمل كورسا- سيفيا - لانوس - M11
طبعا كل العربيات كويسة ومفيش فيها مشكله لكن لانها حتكون مستعمله اهم حاجة الحاله مش محرك بس محرك وعفشة وجسم وحاله عامة حاول يكون معاك حد خبرة وفاهم كويس ومتخليش قراءة عداد الكيلومتراج يخدعك وخلى بالك تقع فى عربية كانت ايجار بالذات اللانوس حاول خد عربية بيتى استخدام نضيف اوعى تستعجل براحتك وتأنى جدا جدا خالص امنياتى بالتوفيق ودمت بخير
|
رد: اجيب ايه مستعمل كورسا- سيفيا - لانوس - M11
أخى لاكى مع فائق أحترامى لك كأخ
لكن معلش فى الكلام أنا بحس دايما أن كلامك غلط يعنى أى العربية ملهاش دعوة بالمطبات يعنى مثلا سائق تاكسى أنا أعرفه معاه فيرنا وللأسف كل ما تيجى على مطب تقعد تحك وتضرب فى الأرض والراجل المسكين راح رفع العربية الجديدة! ومع ذلك مفيش فايدة العربية عمالة تحك طيب ليه مثلا ده مش بيحصل فى عربيات تانية ذى الشاهين أو 128 أو اللادا "اقصد بعد رفع العربية"لأن أداء العربية بيفرق يعنى حمل السيارة الأنترا مش ذى الفيرنا وأنا شايف أن االانوس لا تصلح لأكثر من راكب فى المطبات وكذلك حالة الكثير من السيارات وأنا شايف صاحب الموضوع لو معاه يكمل لانسر كرستالة أو مكوه أو نيسان أو أى حاجة نظيفة يبقى أحسن |
| الساعة الآن 08:15 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017