إنذار العربية
 

السلام عليكم,
:12EA7A~153:
أنا لو سمحتم كنت عايز منكن نصيحة بما إنكم أهل الخبرة.

أنا عندي أفيو و ركبتلها إنذار. و هو زي باقي الإنذارات بيقفل العربية و يشغل الإنذار لو نسيت العربية فترة (و دي طبعا ميزة حلوة)

المشكلة عندي إن العربية بتقفل و الإنذار بيبقى جاهز حتي لو المفتاح في الكونتكت على الوضع ACC (اللي بيبقى طافي الموتور و مشغل الكهرباء و الكاسيت و النور ....)
و ده يعني أن لو أنا ركنت العربية و استنيت فيها شوية و أنا طافي الموتور بس مشغل الكهرباء و الكاسيت (و المفتاح في الكونتاكت طبعا على الوضع ACC) العربية بتقفل و تشغل الإنذار و لما أتحرك جواها السرينة تضرب.

أو لو بطلت الموتور بس الكهرباء و الكاسيت شغالين (و المفتاح في الكونتاكت طبعا على الوضع ACC) و نزلت أعمل حاجة تقفل و المفتاح فيها و الكهرباء شغالة و أنا طبعا مش عارف أفتحها عشان المفتاح في الكوناتكت .

السؤال :
الكلام ده عادي ... وللا المفروض إن العربية تقفل لوحدها لو المفتاح في الوضع LOCK (اللي عنده الموتور و الكهرباء مطفيين)؟
و لو كدة يبقى الكهربائي ركبه غلط و للا إيه؟

و آسف إني طولت عليكم و شكرا مقدما يا أهل الخبرة :fun_36_3_12[1]:

رد: إنذار العربية
 

أرجع للكهربائى .. وهو يراجع طروف الانذار و يخليه حساس لحركة الكونتكت .. لان هو كده مش مخليه ليه دعوة بالكونتكت .. لازم يخلى الانذار مع الكوناك هو كده فاصلهم و الانذار شغال بتايمر و بس و ملوش دعوة بالمفتاح فين ..
كهربااااااااااااااااااااا ااائى و طمننا عليك GIFT4UGIFT4UGIFT4U

رد: إنذار العربية
 

أولا شكرا لإهتمام حضرتك.
ثانيا حضرتك فهمتني غلط. هو شغال مع الكونتكت مش تايمر.
بس بيشتغل لو المفتاح عالACC مش الLOCK.
و أنا معرفش ده كدة صح وللا غلط؟

وشكرا

رد: إنذار العربية
 

اولا حسب كلامك ان الانذار بيشتغل والمفتاح فى الكونتكت وانت طافى الموتور دة طبيعى لان ممكن تنسا المفتاح فى العربية وتبعد لاى سبب فلأحسن ان الانذار يشتغل بعد وقت صغير وكمان نصيحة مهمة جدا جدا دايما تخلى مفتاح العربية لوحدة ووحدة الريموت لوحدة علشان لوالعربية قفلت على المفتاح فانت ممكن تفتح السنتر بالريموت عموما فية مشكلة مش كبيرة فى توصيلات الانذار انا اعرف واحد بيفهم اوى اسمة ايهاب بيشتغل فى كلاريون اللى فى ميدان سانت فاتيما ممكن تكلمة ولو الانذار من الانواع اللى بيشتغلو فية هيقولك تعالى المحل وهو يصلحة ولو الانذار من الانواع التانية شوفة هيقولك اية ممكن تتفقو على مكان تانى يقابك فية وابقى اديلة مقدار تعبة وهو مهاود وبيفهم ت/ 01273986077 بالتوفيق:fun_36_3_11[1]: