مصر موتورز مجتمع السيارات - عايز بعض المعلومات عن باسات 2006

مصر موتورز مجتمع السيارات (https://www.masrmotors.com/vb/index.php)

- باسات PASSAT (https://www.masrmotors.com/vb/forumdisplay.php?f=206)

- - عايز بعض المعلومات عن باسات 2006 (https://www.masrmotors.com/vb/showthread.php?t=122078)

عايز بعض المعلومات عن باسات 2006

السلام عليكم
معروض عليا باسات 2006 اتوماتيك
ياريت اصحاب الخبره يفيدونى بميزات وعيوب السياره ومعلومات عن محركها وهل الفتيس فيه مشاكل زى ما بيحذرونى منه ؟
وياريت تسعير للسياره مع العلم انها فيها بعض الاجزاء مرشوشه

رد: عايز بعض المعلومات عن باسات 2006

اقتباس:

المشاركة الأصلية كتبت بواسطة ahmed 767 (المشاركة 936899)

وعليكم السلام ورحمة الله و بركاته
ياريت بعض المعلومات عن العربية يعنى هي هاي لاين و لا بيز لاين و ماشية كام كيلو و صيانتها بتم فين و هل حضرتك بتشتري م الملك الأول ولا لأ؟
وبعدين مشاكل الفتيس بدأت تظهر من اول 2009 مع المحرك ال 1400 التيربو ..قبل كده المكنة ال 1600 مفيش منها مشاكل غير انها بتأخد بنزين 95 بشكل اساسي و ممكن تمشي ب 92 بس على حساب جزء كبير من كفأة المحرك

رد: عايز بعض المعلومات عن باسات 2006

اشكرك على الرد واجابه اسئلتى ..
العربيه اعلى فئه وهى من المالك الاول جايبها من المانيا يعنى مش وكيل ماشيه 90 الف كيلو
والسعر المعروض عليا 120 الف لونها كحلى ومرشوش فيها كبوت ورفرف امامى يمين واكصدام امامى بدون اى رش فى الدواخل
ممكن اعرف رأيك فيها ؟

رد: عايز بعض المعلومات عن باسات 2006

اقتباس:

المشاركة الأصلية كتبت بواسطة ahmed 767 (المشاركة 938112)

والله لو ما شية 90 الف بس و مالك أول و بعض اجزائها لسه فابريكة وهاي لاين يبقى السعر مناسب و ممكن كمان تتكلم في 5 الاف وقت التنفيذ
بس نصيحة لازم تكشف في الوكيل لو تقدر علشان تبقى مطمئن 100%
و لازم تعرف هو كان بيعمل صيانتها عند مين و ايه بالظبط اللي تم فيها علشان تقدر تكمل
ربنا يوفقك لما فيه الخير