مصر موتورز مجتمع السيارات - لمبة حزام الأمان

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - لمبة حزام الأمان (https://www.masrmotors.com/vb/showthread.php?t=41359)

لمبة حزام الأمان

النهاردة الصبح وانا ماشى معدى 100 كيلو وانا رابط الحزام وكله تمام الاقى لمبة حزام الامان اللى فى التابلوه بتنور وتطفى ( وميض يعنى) لمدة ثوانى قليلة وبعدين تبطل
الموضوع ده اتكرر 3 مرات النهاردة
فيه حاجة كمان وانا ماشى على سرعة عالية بحس بصوت طقطقة خفيفة زى صوت شيرز مرة واحدة ويكرر تانى وبعدين يروح ( تك.........تك تك .......تك) كده يعنى , ده كان حصل من حوالى اسبوعين واتكرر النهاردة تانى
فى النهاية العربية اكسيل 1500 موديل 95 كاربيراتير والبطاريه كلورايد سائلة
تفتكروا دى حاجة مش مظبوطه فى الكهرباء و ايه هيه وتتعالج ازاى
افيدونا افادكم الله

رد: لمبة حزام الأمان

اقتباس:

النهاردة الصبح وانا ماشى معدى 100 كيلو وانا رابط الحزام وكله تمام الاقى لمبة حزام الامان اللى فى التابلوه بتنور وتطفى ( وميض يعنى) لمدة ثوانى قليلة وبعدين تبطل

أبقى جرب وخد طول كتير للحزام وأنت بتركب جاك نهاية الحزام فى النتايه بتاعته على يمين الكرسى

وارد تكون المكنه تقيله والحزام كان مشدود زياده وبالتالى بيحصل أتصال كهربى ردىء بين دكر

الحزام ونهايته على يمين كرس السواق

وده يعمل رعشه فى لمبة أنذار الحزام الموجوده بالتابلوه

اقتباس:

فيه حاجة كمان وانا ماشى على سرعة عالية بحس بصوت طقطقة خفيفة زى صوت شيرز مرة واحدة ويكرر تانى وبعدين يروح ( تك.........تك تك .......تك) كده يعنى , ده كان حصل من حوالى اسبوعين واتكرر النهاردة تانى

حدور العربيه ليلا ( فى مكان مظلم )

وبص على نهاية ألتقاء كابلات البوجيهات مع البوجيهات أو الأسبراتير

غالبا فيه مشكلة أتصال بأحد نهايتى كابلات البوجيهات

ومع رفع الكبوت ومكنتك دايره

حتبان منطقة عدم الأتصال الكهربى الجيد

فى صورة ومضات كهربيه

سواء من عند البوجيهات أو الأسبراتير

رد: لمبة حزام الأمان

الله لا يحرمنا منك ولا من نصايحك يا مهندس سمير وجزاكم الله خيرا
ان شاء الله بالليل احاول اعمل اللى حضرتك بتقول عليه وان شاء الله ابلغ حضرتك بالنتيجة

رد: لمبة حزام الأمان

الله يخليك

دكتور : محمد

وبالتوفيق

رد: لمبة حزام الأمان

انا عملت اللى حضرتك قولت لى عليه امس بالليل بعد ما روحت لكن ملقيتش اى شيرز من سلوك البوجيهات او الاسبراتير
بس وانا راجع من الشغل مفيش صوت كان موجود
النهاردة الصبح الصوت اتكرر تانى مرتين او تلاته هو اللى لاحظته ان الصوت بيظهر على سرعة عالية ودوران محرك عالى حوالى 3000 وساعات على 2500 وكمان بيظهر مع رجرجة العربية على سرعة عالية لو الطريق مش مستوى