تقرير 1000 كم لسيراتو2016 standard
 

االحمد لله استلمت سيراتو وكيل اول فئه من شهر تقريبا وان شاءء الله هعمل صيانه الاف كيلو كمان يومين
بالنسبه لمميزات العربيه
1_موتور ناعم وقوى والسحب جميل جدا
2_العربيه اوسع من جوه من الانترا والشارك
3_الشنطه واسعه وفتحه الدخول كبيره
4_تابلوه شيك ونور احمر تحفه وعدادات جميله جدا
5_خامات العربيه من الداخل جيده جدا
6_طولى 188سم بقعد ف العربيه بينى وبين السقف مسافه
7_مريحه اوى ف السفر مشيت بيها 300كم متواصل من المنصوره لراس سدر ماتعبتش من السواقهسوقسوق
_ 8_عفشه قويه والعربيه ارتفاعها عن الارض معقول بس ف مطبات لازم اخدها بالجنب
بالنسبه للعيوب
1_الفرامل مش عاجبانى هل علشان لسه جديده ؟او كان لازم اجيب فئه abs ف العادى الفرامل كويسه بس لما ادوس عليها فجاه بحس انى هلبس مش عارف ليه
2_العربيه من غير ريموت ودى حاجه مش عاجبانى انك كل شويه تفتح وتقفل من الباب
السماعات صوتها عادى اوى بس ده عادى بالنسبه ليا مش بهتم اوى بموضوع الصوت ده
اخيرا(انا كنت محتار جدا مابين الشارك والانترا والسيراتو) بس عرفت الحمد لله ان السيراتو عربيه محترمه جدا
سعر الفئه الاولى 163000 توكيل

رد: تقرير 1000 كم لسيراتو2016 standard
 

تم عمل صيانه الاف فى مركز الاستاذ بالسويس(مركز صيانه معتمد)
تربيط عفشه_تغير زيت _تغير فلتر_استكمال السوائل_رجلشه الفرامل _ السعر370
بس لما مشيت بالعربيه بعد رجلشه الفرامل لقيت فيه صوت تصفير خفيف فى العجل الخلفى للعربيه وبيروح لما برفع الهاند وانا ماشى رجعتلهم بعدها بيومين فكوا رجلاش الفرامل شويه وصنفروا التيل والحمد لله الصوت راح والمهندس قاللى دا عيب فى السيراتو والتوكيل عارف كدا اوخدوا بيانات العربيه وقاللى هيجيللك طقم تيل وطنابير خلفى لعربيتك وهنركبهم ان شاء الله اول ما يوصلو علشان العربيه فى الضمان