|
مقارنه بين الاوبترا و دايو نوبيرا و ماتركس
السلام عليكم ايها الاعضاء الكرام اريد منكم ان تخبرونى بين الاوبترا و دايو نوبيرا و ماتركس من ناحيه السبات فى السرعات العاليه و التوكيل و قطع الغيار ولكم منى فائق الاحترام / كريم على |
رد: مقارنه بين الاوبترا و دايو نوبيرا و ماتركس
حسب تجربتي لقيادة هذة السيارات الاوبترا :ثبات جيد جدا علي السرعات العالية يعني تجيب بيها 180 كويس :ومحركها قوي 107 حصان والعزم 137 تسارع ممتاز لكن التوكيل متعملتش معاة :النوبيرا :ثبات رائع علي السرعات العالية يعني تجيب 160 تبقي كويسة وممكن تاني بفضل قاعدة العجل العريضة :محركها 1600 سي سي قوة 106 وعزمها عالي
وتسارعها ممتاز بس مشكلتها العفشة :الماتريكس : انا عامة بكرة الماتريكس اوي اوي وبالنسبة للامكانيات محرك :1600 قوة 104 عزم مش عالي مع انة قوتة 104 حصان تحس ان الموتور ضعيف : الثبات :ثابتة لحد120 متزودش علشان ممكن تعوم في الملفات : اما الماتريكس الجديدة : اقوي من ناحية المحرك لان محركها نفس محرك الفيرنا 2008 الذي يمتاز بقوتة 106 حصان |
رد: مقارنه بين الاوبترا و دايو نوبيرا و ماتركس
دي مقارنة سهلة دي مقارنة هايلة الاوبترا هيا النوبيرا الجيل الاحدث و الشكل الأحدث و بعلامة شيفرولية الاكثر بريقا و توكيل مركز معاها غير توكيل دايوو اللي مركز مع الاسبرانزا يبقي المقارنة مابين دول تنتهي لصالح الاوبترا و يبقي عامل السعر بالنسبة لحضرتك الماتريكس من افضل ما طرحت هيونداي و عربية مالهاش مشاكل عامة معروفة لكن هيا ما تتقارنشي بالاوبترا لانها ميني فان من الاخر لو بتحب الاحساس بالوسع و السقف العالي او حضرتك كبير في السن فبتكون اسهل في الطلوع و النزول و القاعدة العالية يبقي الماتريكس لكن لو بتحب السيدان و اداء اعتقد هيكون افضل يبقي الاوبترا |
رد: مقارنه بين الاوبترا و دايو نوبيرا و ماتركس
انا بشكركم جدا على الكلام الجميل ده و بجد انا استفت كتير من الكلام الحلو ده بس انا معلش هتعبكم معايه تانى شويه و اريد منكم ان اعرف بين لانسر 1300 منيول و الاوبترا معلش انا اسف تعبتكم معايه شويه لاانى سالت على الماتركس الشكل القديم و ملاءتش منها جديد خالص وانا عجبنى الشكل القديم احسن من الجديد وتانى مره انا اسف جدا انى بتعبكم معايه و للعلم يا استاذ احمد انور انا لسه طالب فى معهد ابو قير العالى للحاسب الالى و نظم المعلومات وانا لسه فى الفرقه الاولى
شكرن لكم كثيرا ptmnlo123per1114 كريم على ptmnlo123per1114 |
رد: مقارنه بين الاوبترا و دايو نوبيرا و ماتركس
عن تجربه
الاوبترا جميله وواسعه وسحب عالي وبتجمع بسرعه بالنسبه لوزنها وفئتها ده بخلاف الثبات انا مره سافرت بيها العريش من القاهره رايح جاي في نفس اليوم تحفه بصراحه فيها عيب واحد خطير جدااااااااا التوكيل اسعاره غاليه نار (منصور) بيربي الناس اللي بتشتري الشيفروليه بصراحه واسال علي اسعار الصيانه وقطع الغيار في التوكيل وانت تعرف النوبيرا بصراحه سياره فاشله وكبيره علي الفاضي وبحس انها تقيله علي الماكينه بتاعتها وانا عن نفسي مابحبهاش وبتخسر كتير في بيعها ومش بياعه الماتريكس جميله وواسعه وعمليه ومرتفعه عن الارض وسافرت بيها الاسماعيليه مرتين بس بصراحه بعد 130 بتسمع صوت دبدبه وبتحس ان العربيه بقت خفيفه جدا بس هي فيها حاجه غريبه جدا وانت قاعد علي الدريكسيون زاويه الرؤيه بتاعتها جميله جداا وفيها كمان اماكن تخزين كتير في الصالون وكمان في الشنطه ياريت اكون قولت حاجه تفيدك في قرارك وبالنسبه للميتسوبيشي 1300 اوعي تجيبها لان العربيه فعلا بتموت مع التكييف بس ال1600 خطيره جدا واحسن من الاوبترا والماتريكس والنوبيرا طبعا م عصام بدوي |
| الساعة الآن 02:16 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017