مصر موتورز مجتمع السيارات - تغيير زيت فتيس اللانوس المانيوال بالصور

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - تغيير زيت فتيس اللانوس المانيوال بالصور (https://www.masrmotors.com/vb/showthread.php?t=61667)

رد: تغيير زيت فتيس اللانوس المانيوال بالصور

عصام غنايم استأزنك فى الرد على كلامك بشوية اسئله واتمنى ان تجاوبنى عليها

1 زيت الموتور ممكن يتغير كل الف كيلو بس هل زيت الفتيس ممكن يتغير كل الف ؟
اذا كنت انا بقول ان زيت الفتيس ممكن ما يتغيرش وانما يتزود يبقى هاقول يتغير كل الف كيلو فقط !!! اكيد لا
2 هل كل السيارات زى الدايو ملهاش طبه فى الفتيس لتنزيل الزيت القديم ولا الدايو بس اللى ملهاش ؟
معظم السيارات لا يوجد طبة لتنزيل زيت الفتيس مع العلم ان دة مش معيار هل السيارة الفلانية طالما عملو طبة لزيت الفتيس يبقى بيتغير والسيارة العلانية طالما ما عملوش طبة لزيت الفتيس يبقى مش بيتغير
3 حضرتك بتقول ان زيت الموتور بيتعرض لحراره واجهادات كبيره بتؤدى الى تغيير خواصه وافساده ( كلام سليم ) بس هل زيت الفتيس مبيتعرضش لنفس الظروف على اخف ؟
لا يوجد مقارنة بين ظروف تشغيل الزيت فى المحرك والظروف التشغيلية للفتيس ....زيت الفتيس لا يتعرض سوا الا لدرجة حرارة الاحتكاك الناتجة عن الحركة الدورانية للمجموعة ويتعرض ايضا للقوة الطاردة المركزية
4 هل لأن اصحاب المخارط مبيغيروش زيت المخارط والمقاشط يبقى ده صح ؟
محدش عاوز يبوظ معدة بتاكلة عيش وكنت بشتغل فى منشة الجندى لاعمال الخراطة الميكانيكية وكان هناك مخارط ومكاشط عملاقة تمنها غالى جدا جدا وتزامن فترة وجودى هناك بان اجانب اللى كانو بيركبو المكن وكنت ضمن فريق العمل معاهام ولم يذكرو او ينبهو على تغيير الزيت فى مواعيد محددة
اهم سؤال

ايهما افضل للحفاظ على الفتيس ؟

زيت جديد بكامل خواصه من درجة لزوجه و مكونات مستقره و نقى خالى من الشوائب والمعادن مما يحافظ على عدم تأكل المكونات المراد تزييتها

ام

زيت انتهت فترة صلاحيته فى اغلب الأحيان و تغيرت خواصه من لون ورائحه واكسده و درجة لزوجه وقدره على التزييت ومليان شوائب وبرادة حديد والومنيوم تتسبب فى تجريح وزيادة تأكل الأجزاء المراد تزييتها وفى بعض الأحيان تؤدى الى اعاقة حركتها ( العضه )

؟
؟
؟
اخى الكريم استسمحك ان يتسع صدرك لكلامى
اقسم بالله انا ما عاوز اقلل من موضوع الهايل اللى انا استفدت منة كتير ومجهود فعلا متعوب فية ويا رب يجعلة فى ميزان حسناتك .....الفكرة كلها اننا بندردش مع بعض
الفتيس ما هو الا حركة لتروس بتعشق فى بعض وكام بلية مفتوحة من الجهتين
نتيجة لحركة التروس دى بيحصل تاكل نسبى فى التروس التاكل دة بينزل فى حوض الفتيس عبارة عن برادة حديد نعمة جدا ويمكن حضرتك شوفتها ......يبقى عندنا تاكل وعندنا برادة حديد >>>>>برادة الحديد بتملى الفراغ الموجود بين التروس نتيجة احتكاك التروس يبقى حاجة بتتاكل وحاجة بتعوض ومن خبرتى فى المجال دة انا مرت بتجارب كثيرة انت لو غسلت الفتيس ببنزين مثلا يعنى لو كنت بتغير دسك واسطوانة مثلا وقلت تغسل الفتيس او حتى تغير زيتة هتلاحظ اوى ان الفتيس بقى صوتة خشن غير الاول خالص
سؤال اخير

ما هى الأضرار المترتبه على تغيير زيت الفتيس ؟؟؟؟؟؟؟؟؟؟؟
ما فيش اى ضرر صدقنى
مستنى رد حضرتك فى اقرب وقت

و

سلام مؤقت

سلام يا اخى الكريم

رد: تغيير زيت فتيس اللانوس المانيوال بالصور

تسلم ايديك و عينيك و ربنا يكرمك و اهل بيتك دنيا و اخره

رد: تغيير زيت فتيس اللانوس المانيوال بالصور

اقتباس:

ايه الحلاوه دى موضوع مفيد وممتاز وتسلم ايدك على الصوره والشرح الوافى

اقتباس:

الاستاذ المحترم / عصام غنايم
وحشتا ووحشتنا مواضيع المميزة مجهود رائع وشرح مميز مدعوم بالصور

اقتباس:

تسلم ايديك و عينيك و ربنا يكرمك و اهل بيتك دنيا و اخره

الف شكر لذوقكم جميعاٌ

واتمنى ان اكون دائماٌ عند حسن ظنكم

رد: تغيير زيت فتيس اللانوس المانيوال بالصور

اقتباس:

ليا سؤال انا الفتيس عندي في ونه والميكانيكي قالي ان ده عيب بلي الفتيس نفسه وقالي ان ممكن نغير زيت الفتيس ونحط على الزيت زيت شنبر فصوت الونه ده يروح ولما الفتيس مايبقاش نافع نبقى بجيب فتيس استعمال خارج ونبقى نركبه ايه راي سيادتك في الموضوع ده ؟

جرب تغير زيت الفتيس اول

وبعد كده لو فضلت المشكله موجوده جرب حل الميكانيكى ( كحل مؤقت )

هيهدى الصوت بس هيزود عضة الفتيس وهو بيأخد الغيارات

رد: تغيير زيت فتيس اللانوس المانيوال بالصور

اقتباس:

عصام غنايم استأزنك فى الرد على كلامك بشوية اسئله واتمنى ان تجاوبنى عليها

انت تأمر

اقتباس:

اذا كنت انا بقول ان زيت الفتيس ممكن ما يتغيرش وانما يتزود يبقى هاقول يتغير كل الف كيلو فقط !!! اكيد لا

مش ده قصدى

انا قصدى ان المصنع لازم يعمل طبه لغيار الموتور لتكراريته

اما الفتيس فلأنه بيتغير على فترات متباعده وممكن عن طريق الشفط فمش لازم يبقى ليه طبه

اقتباس:

معظم السيارات لا يوجد طبة لتنزيل زيت الفتيس مع العلم ان دة مش معيار هل السيارة الفلانية طالما عملو طبة لزيت الفتيس يبقى بيتغير والسيارة العلانية طالما ما عملوش طبة لزيت الفتيس يبقى مش بيتغير

على فكره 90% من العربيات ليها طبه تغيير زيت فتيس ما عدا الأوبل والدايو لأنهم مصنعين بنفس تكنولوجيا GM

اقتباس:

لا يوجد مقارنة بين ظروف تشغيل الزيت فى المحرك والظروف التشغيلية للفتيس ....زيت الفتيس لا يتعرض سوا الا لدرجة حرارة الاحتكاك الناتجة عن الحركة الدورانية للمجموعة ويتعرض ايضا للقوة الطاردة المركزية

على فكره نفس حرارة الموتور هى حرارة الفتيس لأنتقال الحراره بينهم عن طريق التوصيل

ده غير الحراره الناتجه عن حركة اجزاء الفتيس المختلفه واحتكاكها ببعض

اقتباس:

محدش عاوز يبوظ معدة بتاكلة عيش وكنت بشتغل فى منشة الجندى لاعمال الخراطة الميكانيكية وكان هناك مخارط ومكاشط عملاقة تمنها غالى جدا جدا وتزامن فترة وجودى هناك بان اجانب اللى كانو بيركبو المكن وكنت ضمن فريق العمل معاهام ولم يذكرو او ينبهو على تغيير الزيت فى مواعيد محددة
اهم سؤال

برده ده لايمنع ان التغيير افضل

اقتباس:

اقسم بالله انا ما عاوز اقلل من موضوع الهايل اللى انا استفدت منة كتير ومجهود فعلا متعوب فية ويا رب يجعلة فى ميزان حسناتك .....الفكرة كلها اننا بندردش مع بعض

وانا والله ما بدافع عن موضوعى ابداٌ انا بس بصحح فكره خطأ منتشره بين الناس بسببها حصل ضرر كبير لناس كتير فأنا بحاول اصحح الفكره للناس حتى ابعد عنهم الأذى و اكيد مليش اى مصلحه فى ده بس لى الثواب

اقتباس:

الفتيس ما هو الا حركة لتروس بتعشق فى بعض وكام بلية مفتوحة من الجهتين
نتيجة لحركة التروس دى بيحصل تاكل نسبى فى التروس التاكل دة بينزل فى حوض الفتيس عبارة عن برادة حديد نعمة جدا ويمكن حضرتك شوفتها ......يبقى عندنا تاكل وعندنا برادة حديد >>>>>برادة الحديد بتملى الفراغ الموجود بين التروس نتيجة احتكاك التروس يبقى حاجة بتتاكل وحاجة بتعوض

على فكره برادة الحديد الناتجه عن تأكل اجزاء الفتيس و الموجوده بداخل زيت الفتيس بتؤدى الى تأكل الفتيس بصوره اكبر و ايضاٌ تؤدى الى تقصير عمره

لأنك تقريباٌ كده بتزيت بصنفره

اقتباس:

ومن خبرتى فى المجال دة انا مرت بتجارب كثيرة انت لو غسلت الفتيس ببنزين مثلا يعنى لو كنت بتغير دسك واسطوانة مثلا وقلت تغسل الفتيس او حتى تغير زيتة هتلاحظ اوى ان الفتيس بقى صوتة خشن غير الاول خالص
سؤال اخير

اتفق معك

حيث ان اى بلى موجود بزيت او بشحم يتغسل ببنزين او بجاز وبعدين تزيته او تشحمه تانى بيبقى باظ

الطريقه الصحيحه لغسيل اجزاء موجوده بداخل زيت ( موتور او فتيس ) هو عمل دورة غسيل بزيت تانى وتنزيله وأضافة الزيت الأساسى

بس انا مجبتش سيرة غسيل الفتيس ببنزين نهائى

اقتباس:

ما هى الأضرار المترتبه على تغيير زيت الفتيس ؟؟؟؟؟؟؟؟؟؟؟
ما فيش اى ضرر صدقنى

يبقى فى النهايه احنا متفقين

تغيير زيت الفتيس هام فى رأيي

وغير مضر فى رأيك

صح كده

وفى النهايه ربنا يديم المعروف بينا وصدقنى انا استفدت من النقاش مع حضرتك

تقبل تحياتى