أخوكم بقى هيونداوى النهارده وعندى بعض الإستفسارات
 

السلام عليكم

الحمد لله بتوفيق من ربنا استطعت اليوم شراء سياره أكسنت 98 1500 سى سى كاربيراتير
العربيه بعد ال 128 ( عربيتى القديمه ) حاجه تانيه خالص - خصوصا انها كانت موديل قديم قوى - بجد أنا سعيد بيها وخصوصا استهلاك البنزين - خيالى - رائع بجد :)

عندى بقى شويه استفسارات أتمنى انى ألاقى عندكم اجابتها ان شاء الله

* أولا انا بسمع ان لازم أغير الزيوت و السيور ايه الى هيتغير بالظبط ؟
يعنى أنا بيتهيألى زيت الموتور وسير الكاتينه و البوجيهات فيه حاجه تانى ؟؟؟

* السياره فيها حدفه يمين بسيطه جدا ملحوظه على السرعات العاليه كمان فيه رجرجه خفيفه فى الدريكسيون لما بكون فوق ال 100 كيلو تقريبا

* الإيريال عندى مكسور ممكن يتغير لوحده ولا لازم المكنه الكهرباء كلها بالإيريال وتكلفته كام تقريبا

* العربيه المفروض انها كامله مانيوال لكن أنا لاحظت ان مفيهاش سنتر فهل السنتر ليس من المواصفات القياسيه للأكسنت ال 1500 ولا هو موجود بس بايظ ؟

* الدريكسيون باور وشغال تمام بس أنا ملاحظ انه تقيل عن عربيات تانيه سوقتها زى الانسر و الأوبترا ( خصوصا فى حالات ثبات السياره أو تحركها ببطْ ) فهل ده طبيعى فى الموديل ده ولا فيه حاجه عاوزه تتراجع ؟

* هى السياره بتيجى بسماعات خلفيه فقط ؟

* صاحب العربيه كان بيحطلها بنزين 80 هو طبعا اقتصاديا كويس لكن أنا ملاحظ ان سحب السياره بيتأخر حاجه بسيطه ما بين الإستجابه وضغطى لدواسة البنزين يا ترى ده هيتغير لو غيرت لبنزين 90
ويا ترى هحتاج أضبط العربيه عند ميكانيكى علشان التغير ده ولا لأ ؟

معلش أسئله كتير أنا عارف لكن أخوكم جديد بقى وبيحب يفهم وعشمى فى ربنا وفيكم كبير
وطبعا الى يعرف اى معلومه أو حاجه جديده أو شىء أنا أغفلته يقوله

شكرا لكم جميعا اخوتى

رد: أخوكم بقى هيونداوى النهارده وعندى بعض الإستفسارات
 

شوف يا أخ محمد طايع ( لو كان الاسم صحيح ) ! ألف مبروك على النقله الجديده و ربنا يفرحك كمان و كمان

و يزيدك من نعيمه ! أولا أنا لا أعرف أى شىء عن الهيونداى سوى انها عربيات كويسه !

و لكن النصيحه منى لو تقبلها ! انك أو أى أحد من الاعضاء يرشح لك واحد ميكانيكى يكون يتقى الله أولا

و يكون عنده ورشته الخاصه ثانيآ و يكون شغال أو اشتغل فى مصانع هيونداى ثالثآ !

و تاخد معاك ورقه مكتوبه بكل المشاكل اللى عندك و هوه يصلحها لك مره واحده ! ده أحسن لك ما تقعد تلف

على الصنايعيه و كل واحد ح يفتى لك فى تخصصه و يفتح لك فى مواضيع تانيه ! و موش ح تلاقى وقت

للكلام ده و ح تلف من الشرق للغرب ! كمان بلاش تروح لصنايعى عجوز لآنه ح يستغلك أيما استغلال

و موش ح يطلع لك شغل نظيف !


Dr. Bolbolan ptmnlo123per1127

رد: أخوكم بقى هيونداوى النهارده وعندى بعض الإستفسارات
 

شكرا يا دكتور على مرور حضرتك

بالفعل أنا بدور دلوقتى علىصنايعى كويس وان كان موضوع التوكيل ده مش هيبقى سهل لأن أنا من طنطا مش من القاهره
كمان فيه حاجات زى الباور و السنتر دول كنت عاوز أعرف من مالكى السياره ده وضعهم الطبيعى ولا لأ
علشان الصنايعى ميستسهلش ويقولى لأ هما كده

وشرفنى مرور حضرتك مرة أخرى

رد: أخوكم بقى هيونداوى النهارده وعندى بعض الإستفسارات
 

الف مبروووك ،،

ربنا يباركلك فيها و يملاهالك بركة

انا كان ممكن اساعد حضرتك بس المشكلة اني من القاهرة

ان شاء الله حد من الأعضاء يكون من طنطا و يدلك علي حد كويس

رد: أخوكم بقى هيونداوى النهارده وعندى بعض الإستفسارات
 

فييييييييييييييييييييينك يا كابو ,كابو من طنطا