|
عيوب السيات
أرجو الإفادة ما هي عيوب السيات عموماً لأني أرغب في شراء سيات كوردوبا موديل 2009 وأنا بسراحة روحت وشوفتها وعجبتني جداً خصوصاً أن العربية قوية وزوقها رقيق والأمكانيات معقولة جداً لعربية بالسعر ده أنا شوفت العربية فول أوبشن بسعر 120 ألف جنية العربية ألماني بالكامل مجمعة في أسبانيا بصراحة العربية مفهاش خلطة غير أن التكويل بسمح بتركيب كماليات عندة لأن العربية مصممة لتركيب أي كماليات يعني أنا لما شوفتها لاحظت أن لا يوجد بها فوج لايت ومسند يد ومكن رفع الزجاج مع السنتر فقالو لي أن الحجات ديه بسيطة وممكن تركب بسهولة لان العربية مجهزة بتركيب كل حاجة بس مبتنزلش في مصر عشان الجمارك عالية جداً
|
رد: عيوب السيات
ارجو وضع اسئلة محددة علي العربية عشان نقدر نجاوبك
|
رد: عيوب السيات
شكراً للرد وسؤالي هل للسيارة عيوب شائعة ؟ وشكراً
|
رد: عيوب السيات
بص يا باشا كل عربية ليها عيوبها انا اعرف ناس معاهم كوردوبا 2008 و الحمد لله مشتكوش منها خالص و زي ما انت عارف العربية تجميع و تقفيل و البودي و الصالون اسباني تصنيع SEAT و موتور و شاسيه و عفشه و فتيس تصنيع VW عيبها بس ان حاجتها غالية بس برضه ليها ميزه ان حاجتها معمرة و بتعيش و اظن ده معروف عن الكوردوبا من سنة 94 و التوكيل بيدي عليها ضمان سنتين بدون تحديد للكيلومترات و اول صيانة اللي هي صيانة ال 5000 بتتعمل مجانا
و يا ريت برضه اي حد يعرف حد معاه العربية يقول رأيه لكن الشائع عنها انها ممتازة |
رد: عيوب السيات
120 الف كتير
ليا واحد صاحبي جايبها خليجي ب85 او 90 متهيالي مش فاكر فول اوبشن برضه ماعدا الكاسيت ومبسوط منها جدا انا عن نفسي لما ركبتها ارتحت ليها اوي لوعاجباك توكل علي الله |
| الساعة الآن 05:59 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017