|
مين عندو m12 ضروررري
السلام عليكم انا هنا جديد في المنتدى ده وبصراحة منتدى شامل في كل حاجة في العربيات
المهم انا عايز اسئل حد هنا عندو m12 وايه اخبارها معاه مريحاها ولا وايه اخبار عيوبها ومميزتها انا الصراحة ناوي وحاببها جدا بس خايف شوية منها ومن العربيات الصيني بس الواحد المفروض ميحكومش علي الصيني غير لما تبقى معاه فياريت اللي معاه العربية او يكون خبير في العربية يقولي رأيو فيها بصراحة لاني بجد محتاج اي حد معاه العربية خصوصا ان انا لسه اول مرة في حياتي اجيب عربية جديدة وتاني حاجة في عربية بردو حلوة وعجباني اسمها رينو سانديرو او لوجان هاتش باك زي ما بعض الناس بيسموها في نفس الرينج بتاع m12فياريت اي حد يعرف اي حاجة عن العربية دي يقولي فايه رايكو m12 ولا سانديرو وشكرا اوي وانا اسف على الاطالة |
رد: مين عندو m12 ضروررري
الm12 هى نفسها الm11 مع اختلاف الشنطة طبعا ولو حضرتك عاوز تعرف عنها كتير يبقى تسيرش على الm11 وتشوف عيوبها ومميزاتها وبالنسبة للمقارنه بينها وبين السانديرو انا افضل الm12 بكل المقاييس لانك بتقارن مغربى بصينى واكيد طبعا الصينى يكسب وخصوصا انها لقت نجاح كبير فى مصر دة غير توافر قطع غيارها مقارنه بالرينو
|
رد: مين عندو m12 ضروررري
طبعا أبعد عن الأسبيرانزا تماما خصوصا الأيام دى أكتب كلمة عيوب سبيرانزا فى جوجل وشوف المصائب من عيوب فى العربية ومشاكل فى التوكيل وغيره,صدقنى أنت مش بتشترى لعبة صينى ولو أتكسرت مش مشكلة أنت بتشترى عربية عايزها تفضل شغالة 24 ساعة ومن غير صوت ده ولا كده يبقى أرشح لك الرينو أحسن وعلى فكرة هى هى الللوجان مع أختلاف الشكل وبيقولو أن الدفعة الجاية هاتبقى تقفيل رومانى أحسن من الصينى 100 مرة وكفاية إنها من شركة رينو العريقة المحترمة الفرنسية
|
رد: مين عندو m12 ضروررري
اقتباس:
ورينو صناعة فرنسي تقفيل وتجميع مغربي انا شئلت صاحب معرض ابو الفتوح اللي عند المحكمة في مصر الجديدة وقلي كده على m 12 |
رد: مين عندو m12 ضروررري
انا شايف انك لو عايز اسبيرانزا يكون m11 ده الm12 اغلى من m11 واضيق رايي يكون m11 اما الرينو سانديرو فانا ركبتها مش حلوه خالص ومش مريحه وضيقه
|
| الساعة الآن 07:42 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017