مصر موتورز مجتمع السيارات - زقه لوجه الله ... العربيه مش عاوزة تمشى

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - زقه لوجه الله ... العربيه مش عاوزة تمشى (https://www.masrmotors.com/vb/showthread.php?t=96589)

زقه لوجه الله ... العربيه مش عاوزة تمشى

السلام عليكم
العربيه مش عاوزه تمشى, حاسس إنى سايق سلحفاه, الغيارات بقت بدرى أوى و ألاقى صوت الموتور بيعلى أضطر أجيب الغيار التالى: الأول علشان أتحرك , و الثانى أول ما تبدأ تتحرك, و الثالت على 20 كم و الرابع من 40 و طبعاً لما حتى أنزل أقعد على دواسة البنزين آخرها 80 كم و بعد كده مفيش, دوس زى ما أنت عاوز و لا بتسأل فيا, عاوز أفهم فيه أيه؟؟؟ سحبها طبعاً زباله كالعاده بس أنا حاسس كأنى دايس فرامل على طول أو محمل عليها أشياء فوق الوزن المسموح, بحيث أول ما أرفع رجلى من البنزين إلاقيها كأنى بفرمل.

أكشف على إيه؟؟؟؟؟؟
أنا كنت عامل موضوع لتاريخ الإصلاحات مع شوية أستفسارات عالرابط ده, يا ريت حد يفيدنى
http://www.masrmotors.com/vb/showthread.php?t=96249

رد: زقه لوجه الله ... العربيه مش عاوزة تمشى

الدبرياج و الاسطوانه بايظين

رد: زقه لوجه الله ... العربيه مش عاوزة تمشى

إنا لله و إنا إليه راجعون
و دى تكلفتها كام و أيه أفضل أنواع .....؟

رد: زقه لوجه الله ... العربيه مش عاوزة تمشى

أسطوانة وديسك يا باشا الأسعار تعتبر رخيصة بالنسبة لسيارة لادا 2105 متقلقش أسال كذا محل لقطع الغيار وأرخص واحد أشترى من عنده.

أخوك محمد
:GROWIN~12:

رد: زقه لوجه الله ... العربيه مش عاوزة تمشى

دى كده فيها قفشة فرامل لانك لما بتسيب البنزين يبقى كأنك بتفرمل .. عاوزك بس علشان تتأكد اجرى على سرعه عاليه ومور العربية وشوف ايه اللى هيحصل .. لو حسيت بفرمله غير طبيعيه يبقى الفرامل عندك قافشه ... لو محستش بكده يبقى نبدأ نشك فى كذا حاجه وعلشان اقدر افيدك محتاج شويه اجابات ......

اخبار المكنه ايه .. هل بتحس انها مبرجله او مخنوقه على الواقف .. هل عندك عادم اسود او رمادى طالع من الشكمان ؟ (اتوقع ان فيه) ..

اخبار الكربراتير ايه ؟؟ هل عملت فيه شغل قريب ...

هل عملت شغل فى العربية قبل ما تحصل المشكله دى على طول ؟؟؟

الدسيك والاسطوانه وبالاخص الاسطوانه .. اخبارهم ايه واخر تغيير كان امتى ؟؟؟