مشكلة فى قفش فرامل الفيرنا بعد فترة من العمل
استفسار هام للسادة الاعضاء عندى الفرامل فى العربية بتقفش بعد فترة من العمل و لما فحصت غيرت طقم اصلاح الماستر الرئيسى و نظفت الخزن و غيرت طقم الجلد الخاص بيهم و خراطيم باكم الفرامل و غيرت زيت الباكم كاملا بعد استخلاص و استبعاد الزيت القديم نهائيا و تم تجربة السيارة و بعد فترة من الوقت الفرامل حجرت و قفشت مرة تانية يا ترى المشكلة هنا فين ؟؟؟؟؟؟
الميكانيكى بيقول السيرفو ؟؟؟؟؟؟؟؟ هل السيرفو بيتباع جديد او استيراد ؟؟؟ و فى حدود كام ارجو الرد من حضراتكم و جزالكم الله خيرا |
رد: مشكلة فى قفش فرامل الفيرنا بعد فترة من العمل
لو العيب من السيرفو هتلاقى بدال الفرامل محجر والفرامل ضعيفة
انما حضرتك بتقول ان العجل بيقفش ....انا كدة فهمت صح ؟؟؟ لو الفرامل قفشت يبقى من ماستر فرعى الفرامل بتاعة العجلة اللى قفشت السيرفو ما يقفش التيل على الطنابير وانما يحجر البدال فقط سؤال عربيتك فيها ABS؟ |
رد: مشكلة فى قفش فرامل الفيرنا بعد فترة من العمل
ممكن يكون عاوز ظبط او تغيير سيرفو فعلا يباشا
والفيرنا مفيهاش اى بى اس |
الساعة الآن 07:38 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017