مصر موتورز مجتمع السيارات - ما هى اجراءات تجديد رخصة العربيه

اقتباس:

المشاركة الأصلية كتبت بواسطة ahmedenen (المشاركة 595074)

من الاحسن انك تنقلها باسمك انا عملت كده الخطوات كالتالى:
1- قبل ما الرخصه تنتهى بعشرة ايام كده تروح الشهر العقارى تعمل عقد بيع لنفسك بالتوكيل الى معاك وخلى بالك لازم تكون الرخصه ساريه والا حتحتاج شهادة بيانات من المرور للشهر العقارى . وفى حاجه كمان عقد البع ده مدته شهر بس
2- تروح المرور الى انتا تابع ليه (الجديد) هناك هاتسحب ملف تجديد رخصه وهايدفعوك تمن طفايه ومثلث والذى منه وبعدين هاتروح للمهندس هايرفعلك بصمات العربيه ويقولك روح طابق فى المرور الى تابعه له العربيه وتعلالى تانى عشان تفحص
3- هاتروح المرور الى تابعه له العربيه(القديم) هناك هاتجيب شهادة مخالفات وطابق
4- بعد ماطبقت وكله تمام هاتروح المرور الجديد بالمطابقه والعقد والرخصه وشهادة المخالفات والتوكيل القديم بتاعك هناك هايفحصلك ويسلمك النمر الجديده وياخد القديمه و يدفعك التامين والضريبه ويسلمك تصريح لمدة ثلاتة شهور عقبال مايجى ملفها من المرور القديم
5- الف مبروك كده انتا خلصت .

شكر وتقديرشكر وتقدير