استفسار بخصوص الـ 127 توب
 

السلام عليكم ورحمه الله وبركاته

انا اشتريت سياره 127 توب ربع نقل وبصراحه اضحك عليا فيها كتير .. اخر مره العربيه ضربت جوان وغيرته وحاولت اصلح اى حاجه فى الماتور بس للاسف الماكنه خفيفه وصوتها محسسنى انى راكب جرار زراعى والعفشه مدمره وعايزه شغل سمكره وكهربا ومحتاجه نص امامى يعنى من الاخر محتاجه عربيه :)


المهم انا قررت انى أشترى ليها نص امامى بس بفكر اجيب نص 128 او نص فولكس الربع نقل بس هل ياترى بيوافقوا فى المرور وممكن يركب من الاساس ولا فيه مشاكل

ثانيا قررت انى اغير الماكنه واجيب ماكنه عاليه شويه 5 غيار بس للاسف ماعرفش ايه الماكنه الى ممكن تركب عندى والاقيها فين وسعرها ايه وايه الاعدادات الازمه علشان اركب الماكنه هل هاحتاج اعمل حاجه فى الحوض او اغير حاجه فى العفشه ...

ياريت لو حد عنده خبره يفيدنا ومايبخلش علينا ولو يعرف اى ميكانيكى يكون محترم يدلنى عليه ..

وانا من مدينه ميت غمر بس ماعنديش مانع انزل القاهره واعمل شغل العربيه هناك ان لم يتوافر ميكانيكى كويس قريب منى ...

وجزاكم الله خير