اإستفسار عن أفضل سيارة من 70 إلى 75
 

هناك طلب فى صورة سؤال اطرحة امام حضراتكم 0 لدى الان امكاتية تواجد مبلغ حوالى 70ـ75 الف جنيه 0ماهى افضل عربية بالنسيه لى يمكننى شراؤها 0 اولا0 المستعمل ام الزيرو 0 لا فرق عندى بينهم مادامت العربية جيدة 0ثانيا 0اذا ما تم اختيار العربيه ارجو وضع الاعتبارات التاليه 0 1ـصيانه العربية بطريقه شبة محترمة 2ـ توافر قطع اصيانة وعدم غلو سعرها0 اعذورنى فى طلبى هذا لانى شاعر وبصراحه بحالة توهان وعدم استقرار امام هذا الجيش الزاحف من انواع العربيات 0 وشكرا

رد: الفاضل ا0حازم
 

نصيحة لوجه الله حرام تجيب مستعمل وانتا معاك اللي يجبلك زيرو وانتا مرتاح البال واليومين دول اساسا مفيش ريحة الضمير اللي في الدنيا وممكن تلاقي عربية فوره وتطلع مغيره نص ولا اجدعها سمكري يعرف يكشفها


خليك في الزيرو اضمن واحسن عربية بالمواصفات بتاعتك ديه الفيرنا الاتوماتيك او النيو اكسينت مانيول دول احسن عربيتين في الفئة ديه وربنا يهديلك البال

رد: الفاضل ا0حازم
 

فى الحقيقة معنديش خبرة فى سوق المستعمل خالص

لكن كل عربية فى الفئة السعرية دى ليها مميزات و ليها عيوب

مقدرش أقولك على نوع محدد علشان انا مجربتش

لكن أقدر أقولك إختار العربية إللى منتشرة بشكل معقول
و قطع غيارها متوافرة فى التوكيل و خارج التوكيل
و إللى توكيلها و مراكز صيانتها منتشرة فى أكتر من مكان
و اللى ممكن صيانتها خارج التوكيل

و ربنا يوفقك إن شاء الله

رد: اإستفسار عن أفضل سيارة من 70 إلى 75
 

رأيي تشوف لانسر بومه 2006 او 2007 افضل من اي عربيه زيرو في نفس الفئه السعريه
بشرط الحاله الممتازه
و حتتعب شويه علي ما تلاقي عربيه حالتها كويسه

رد: اإستفسار عن أفضل سيارة من 70 إلى 75
 

الموضوع مكان اقامه 00 واولوية احتياجات 00 وذوق 00 وراحه نفسيه للسياره
وزى مانتا شايف كلها حاجات شخصيه