مازدا 323 هاتشباك موديل 77 – مين يساعدني في التصليح؟
 

السلام عليكم جميعا – أنا جديد في المنتدي و عندي مشكلة ياريت ألاقي مساعدة منكم – عندي عربية مازدا 323 هاتشباك موديل 77 جر خلفي و محتاج حد يساعدني اني أشدها لأن وقتي ضيق بسبب شغلي طول اليوم و لأن تجاربي في التعامل مع الصنايعية سيئة – فكنت محتاج حد أمين و مخلص يشرف عليها أمام الصنايعية ويكون أمامهم لحد ما يستلمها منهم كأنه صاحبها و يكون هو نفسه فاهم – هي حاليا الموتور واقف لأن الكتينة مكسورة فيه و احتمال تحتاج طقم شنبر و صباب و طبعا لما نفك هيبان المطلوب – و بعدها فيها شغل سمكرة و كهرباء و غيره و مكانها في أول الهرم و موجود حوالينا كذا ميكانيكي
فيا ريت يا جماعة لو حد يعرف حد ابن حلال يساعدني و يشرف عليها و ياخد اجره يبقي كتر خيركم و منتظر ردكم و رأيكم و جزاكم الله خيرا

رد: مازدا 323 هاتشباك موديل 77 – مين يساعدني في التصليح؟
 

اولا .. اهلا وسهلا بيك فى منتداك "مصر موتورز" ..

ثانيا الف مبروك على العربية ربنا يباركلك فيها ويكفيك شرها وشر الطريق ..

وباذن الله تشدها وترجعها زى الجديدة ...

بالنسبة لطلبك فى عضو معانا فى المنتدى اسمه استاذ محمد فيصل .. ممكن يفيدك فى اللى انت محتاجه .. بس اللى اعرفه انه من اسكندرية ..

عموما ده اعلان شركته ..

http://www.masrmotors.com/vb/image.p...ine=1286662639


وبالنسبة لو محتاج اى مساعده فى حالة انك قررت تودى عربيتك بنفسك .. فانا وباقى اعضاء المنتدى تحت امرك فى اى وقت باذن الله ..

تحياتى يا غالى ....

رد: مازدا 323 هاتشباك موديل 77 – مين يساعدني في التصليح؟
 

فيه واحد اعرفه شغلته الموضوع ده يا اما ياخد العربية مقاولة يا اما يشدها ويبيعها ومكانه عند ش 45 فى الاسكندرية بس الموديل ده احسن تعمل شغل الموتور فى القاهرة علشان قطع الغيار وبعد كده باقى الشل فى كفر الدوار

رد: مازدا 323 هاتشباك موديل 77 – مين يساعدني في التصليح؟
 

شكرا ليك يا باشا علي النصيحة - أنا كتبت له رسالة و منتظر الرد لكن لو تعرف حد في القاهرة يا ريت تبلغني
و مرة تانية شكرا علي ذوقك و اهتمامك و هتابعك بالأخبار

رد: مازدا 323 هاتشباك موديل 77 – مين يساعدني في التصليح؟
 

شكرا يا باشا علي اهتمامك و علي ذوقك - انا كتبت رساله له و منتظر الرد لكنه في اسكندرية يعني لو تعرف حد في القاهرة يا ريت تبلغني - و شكرا لك مرة تانية