ممكن أعرف عمل زجاج كهرباء بكام
 

أشتريت بفضل الله عربية 132 وعايز أعملها زجاج كهرباء ؟
ممكن أعرف أيه أحسن حاجة كخامات وبكام تكلفنى وتركيبها بكام

رد: ممكن أعرف عمل زجاج كهرباء بكام
 

للمتـــــــــــــــــــــ ابعة.
أصلي أنا عايز آخد نفس الخطوة بس في كرولا 2002 بفكر أشتري الأربع ماكينات الزراير الأوريجينال بتاعتها علشان ماتعمليش قلق في فرش البيبان.
بس متخوف لأني لما ركبت سنتر الي هوا سنتر مش زجاج كهربا قرفني آخر قرف لما مكنة سنتر بتاعت الباب الي ورى وقعت وسلك الأكرة إتقطع بسبب حمورية الحيوان الي كان بيركب فا مش عايز اقع في واحد تاني ماعندوش ضمير ودا المرادي قزاز يامعلم مش بس سنتر.

رد: ممكن أعرف عمل زجاج كهرباء بكام
 

بسم الله الرحمن الرحيم
تركيب ماكينات الكهرباء للزجاج العادي مش اساسة كهربا بيكون مش كويس نظرا لانك بتعمل تعديل فر الماكينة و الباب و الاعطال بتبقي كتير لان الباب اصله مش كهربا انا قصدي ان الموضوع مش مستحب
لو عربية بينزل من موديلها كهربا و هية مانيوال ركب لها ماكيناتها الاصلية و انتا مطمئن لانها هتكون كأنها جاية كده بدون اي تعديل

بالنسبة للعربيات القديمة الفيات و ا للادا و الشاهين و كده دي بركب لها ماكينات كهربا عادية بتتباع استعمال و فيه منها نوعين الاول واير و التاني تروس و الاتنين مايركبوش مكان بعض و ده اللي بيحدده الباب نفسه بس غالبا الماكينات الترس بتبقي اقوي و اكثر تحملا من الواير اللي بتعتمد علي بكرة بيتلف عليها سلك لان السلك ده ساعات بيخلف في لفاته او يقطع
تمن الماكينات الواير او التروس الاتنين من 75 الي 120 جنية و انتا و شطارتك
و علي فكرة الماكينات بتاعة الابواب الخلفية بتبقي مختلفة عن الامامية لان العامود بيبقي اقصر و الزجاج مش بينزل للآخر و ده الطبيعي بتاع اي عربية
هتحتاج كمان لمفاتيح زجاج و ده بيبقي مفتاح اتجاهين تمن الواحد من 10 الي 30 جنية علي حسب الصناعه و الجوده
هتحتاج لحوالي 6 متر سلك 5 او 6 مللي و مجموعة كليبسات كهربا و بس
التركيب بياخد حوالي 3 او 4 ساعات المقرف فيه فك الفرش و تركيبة
غير كده كلة سهل
لو عندك سنتر و محتاج الزجاج يرفع مع السنتر هتجيب وحدة رفع و دي بتوصل مابين الزجاج و المفاتيح بتاعة تشغيله و دي تمنها بيبدأ من 45 جنية فيه منها وحدات بتشغل بابين ووحدات بتشغل 4 ابواب
و اي خدمة
م / سامح ليله

رد: ممكن أعرف عمل زجاج كهرباء بكام
 

اخى الكريم
عمل زجاج كهربى لاى عربية ممكن وبامكانيات بسيطة
كل اللى بيحصل اننا بنجيب مكنتين استيراد يابانى وعادة بيكونو تويوتا سعر الماكينة 150 جنية وعدد 2 مفتاح حركتين بـ 20 جنية ومصنعية 30 جنية