مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   سفارى وطرق (https://www.masrmotors.com/vb/forumdisplay.php?f=7)
-   -   من المؤسسه لمصر الجديده (https://www.masrmotors.com/vb/showthread.php?t=51061)

قلب يرىء 30-03-2011 11:29 AM

من المؤسسه لمصر الجديده
 
لو سمحتوا انا عندى ميعاد فى القاهره انا قادم من الزقازيق وهنزل المؤسسه او الزراعه

عايز اروح العنوان ده 3شارع احمد السنان ميدان سانت فاتيما مصر الجديده

ولما ارجع انه الاقرب موقف عبود ولا موقف السلام واوصل للموقف ازاى

جزاكم الله كل خير

hananelhosiny 30-03-2011 12:01 PM

رد: من المؤسسه لمصر الجديده
 
أنا رأى أن أنسب حاجة هتكون مترو الأنفاق لأنة أسرع وسيلة بعيدآ عن زحام المرور

شوف ياسيدى أركب من المؤسسة أو كلية الزراعة مترو الأنفاق وأنزل محطة كوبرى القبه ولما تصل أطلع السلم علشان تعدى للآتجاه عكس اللى أنت جاى منه هتخرج هتلاقى كوبرى معدى فوق راسك أمشى تحته وعدى الطريق هتلاقى محطة أتوبيس تحت الكوبرى من هناك أركب أى حاجة رايحة سانت فاتيما ( سواء أتوبيس أو ميكروباص / مينى باص / تاكسى ) أنت وأمكانياتك بقه ... ولو مش هتركب تاكسى أسأل قبل ماتركب المواصلة دى رايحه سانت فاتيما ولا لأ ؟؟ علشان متمشيش كتير وهناك أسأل على الشارع المطلوب فى أى سوبر ماركت .

والرجوع يكون بنفس الطريقة
أعتقادى أن دى أسهل وأسرع طريقة وربنا يوفقك

sad-bird 30-03-2011 12:34 PM

رد: من المؤسسه لمصر الجديده
 
على حسب الوقت اللي هتنزل فيه
زي ما قالت الاستاذه حنان ممكن تركب المترو من كلية الزراعة وتنزل سراي القبة ومن هناك تاخد اي مواصلة رايحة ميدان سانت فاتيما
او تنزل كوبري القبة ( بس هتمشي شوية حوالي 500 متر ) لغاية شارع الخليفة المأمون ومن هناك تاخد اي حاجة داخله مصر الجديدة او تاكسي علشى حسب اماكنياتك

ومن الوصول المتوقع ساعتين تقريبا لو الطريق سالك

لو عاوز تمشي طريق موقف العاشر / السلام
هتنزل تركب ميني باص 169 بيعدي من سانت فاتيما بس ساعات السواقين بتغير خط السير لو الدسنا زحمة بس هينزلك قريب منه ( يعني ينزلك تريومف ممكن او ميدان الحجاز ممكن ) ومن هناك اي مواصلة تاني دقيقتين هتكون في قلب الميدان
زمن الوصول المتوقع ساعة ونصف لو الطريق سالك

برضة ممكن تنزل موقف العاشر تركب ألف مسكن وتنزل في الألف مسكن تركب ميكروباص مصر الجديدة هينزل في قلب الميدان
زمن الوصول المتوقع ساعة ونصف لو الطريق سالك


ملحوظة
طريق موقف العاشر لا ينصح به في حالة الذهاب في الفترة من 2- 5 لان طريق اسماعلية واول جسر السويس بيكون زحمة جدااااااااااااااااااااااا اااا

في حالة العودة اركب من الميدان اي مواصلة لموقف العاشر لو فيه مواصلات مباشرة 169 مثلا لو مفيش او مش عاوز تستني اركب الف مسكن ومن الف مسكن اركب موقف العاشر

في حالة العودة يوم الاربع والخميس ايااااااااااااااااك تفكر ترجع قبل الساعه 7 - 8 الا ان كان عندك استعاد تزاحم وتزق وخناقات على مين اللي يلحق يركب ويجري ورا الميكروباص

قلب يرىء 31-03-2011 11:03 PM

رد: من المؤسسه لمصر الجديده
 
شكرا جدا يا جماعه جزاكم الله الف خير


الساعة الآن 07:24 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017