عندي مشكلة في عربيتي BYD......ارجو الافاده
 

اشتريت عربية BYD اتوماتيك بقالها معايا شهر عاملة الوقتي 1300 كيلو ...كانت ماشية زي الفل معايا و رحت عملت صيانة الالف كيلو ( غيروا الزيت بس توتال مش عارف هو كويس و لا لأ و غيروا فلتر الزيت طبعا ...الحساب كان 165 جنية مش عارف هو السعر غالي كده و لا لأ) المهم بدأ يظهر عندي مشكلتين ...الأولي ماتور العربية بيسخن جامد جدا و لقيت مؤشر الحرارة بيوصل لغاية العلامه الحمرا و الغريب ان ده بيحصل اكتر لما اكون ماشي بسرعه خفيفة أما لما بكون ماشي بسرعه كبيرة المؤشر بيفضل للنص بالظبط بس انا ستغربت لما المؤشر رفع لحد الاخر ( الكلام ده بقاله ايام بس مكنتش موجوده قبل كده ) المشكلة التانية في صوت طأطأه في العجله الامامية شمال و مش بتظهر اوي إلا لما اكون نازل من علي مطب او في نقر في الطريق ( ممكن تكون جلبة و لا إيه بالظبط )....... أرجوا الافاده و جزاكم الله كل خير

رد: عندي مشكلة في عربيتي BYD......ارجو الافاده
 

مبروك عليك وربنا يكفيك شرها
اما عن السخونة من قرائتى المتعددة فى المنتدى لاحظت موضوع السخونه ده فى الاوتوماتيك والى وصلنالو تقريبا ان المكنة مبتكنش سخنه وانما هو عيب فى عدم تلامس السلك الارضى بشكل جيد مع بودى العربية والسلك الارضى ده موجود تحت البطارية مباشرة.
اما موضوع الطقه دى فأنا متوقع انها تكون جلبة مقص خاصة وانها مبتظهرش الا مع المشى فى النقر والمطبات ويمكن انا سألت السؤال ده قبل كده فى المنتدى بناء على شكوى لمالك الجميلة byd f3 ومحدش افادنى

رد: عندي مشكلة في عربيتي BYD......ارجو الافاده
 

بس متقلقش من حاجة انت لسه فى الضمان وارجو انك ترجع للتوكيل فرع القطامية او الشرابيه لحل المشكلة لحسن يكون عيب فى كوبلن لاقدر الله مع انى استبعد ذلك والناس هناك انشاء الله مش هتتأخر

رد: عندي مشكلة في عربيتي BYD......ارجو الافاده
 

متشكر ليك علي سرعة الرد استاذ هاني........ و ربنا يكرمك .......انا من المنصورة لازم يعني اروح القطامية ؟؟؟؟؟؟؟في هنا مركز صيانة الغد

رد: عندي مشكلة في عربيتي BYD......ارجو الافاده
 

ان شاء الله وتكون حاجه بسيطه