|
طهقت والله يا رجاله، دا مكنش حته كاوتش.. ساعدوني رجاءا
السلام عليكم ورحمه الله وبركاته أنا بجد تعبت يا جماعه انا معايا شاهين 96 محتاج أغيرها الاربع فرد كاوتش كلهم بس كل ما أسأل حد عن أحسن نوع وأحسن مقاس يطلعللي بكلمه وطبعا كل ما أسأل واحد من بتوع المحلات يطلعللي بأغلى حاجه عنده وخلاص مفيش أمانه للأسف فدلوقتي العربيه فيها مقاس 13/165 وانا مش هغير الجنط بس عايز اعرض الفرده فإنتوا دلوني وشوروا عليا إيه أنسب مقاس للشاهين بحيث إنه يدي العربيه افضل ثبات واداء وكمان ميتعبش العفشه 13/165 ولا 13/175 ولا 13/175 وبعد كده قولوللي ايه افضل الانواع والاسعار معلش أنا عارف والله إني بتعبكم معا بس أنا قرفت من الصنايعيه وأصحاب المحلات وقلت لازم أسأل ناس بتفهم كويس وعلشان كده لجأت ليكم واعتذر عن الاطاله السلام عليكم ورحمه الله وبركاته |
رد: طهقت والله يا رجاله، دا مكنش حته كاوتش.. ساعدوني رجاءا
اللي اقدر افيد حضرتك فيه نوع الكاوتش خليك في بريدجستون افضل |
رد: طهقت والله يا رجاله، دا مكنش حته كاوتش.. ساعدوني رجاءا
انا بيتهاياءلى 13/165 افضل لو كانت الدريكسيون عاده مش باور لأن لو 13/175 و الدريكسيون عاده هيبقى اتأل.
|
رد: طهقت والله يا رجاله، دا مكنش حته كاوتش.. ساعدوني رجاءا
هوا دركسيون الشاهين مش تقيل قوي
بالعكس دا خفيف جدا بالنسبه لدركسيون مفيهوش باور انا ركبت كورولا 99 من غير باور اتقل كتييييييييييييييير جدا من دركسيون الشاهين واي حد بيركب العربيه ومكنش ساق شاهين قبل كده بيستغرب ويقوللي دي هاف باور ولا ايه يبني بس هيا عاده لا باور ولا هاف مستني باقي آرآئكم ان شاء الله |
رد: طهقت والله يا رجاله، دا مكنش حته كاوتش.. ساعدوني رجاءا
انا وجهة نظرى الشخصية تخليك على مواصفات الصانع الاساسية علشان استهلاك الوقود والمساعدين والعفشة كلها كانت مصمم عل النوع بتاع المواصفات الاساسية المتركب عليها العجل وكمان عايز اقولك حاجة كل ما تعرض العجل كل ما تحس ان العزم قل لانك بتكون محتاجة قوة اعلى علشان تتغلب على السكون وتغير حاله من السكون للحركة وبالتالى الاحتكاك اعلى واستهلاك الوقود بيزيد وشكرا عزيزى قائد الشاهين
|
| الساعة الآن 03:57 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017