لانسر ولا كروز؟؟
 

كنت عايز اعرف رأيكم بالنسبة لكل من اللانسر الشارك وطرازاتها المختلفة و الكروز
وياتري انهي الاحسن والانسب لطالب جامعة فيهم وبرضو اسعار ومواصفات الهاي لاين بتاع كل واحدة

انا عن نفسي حابب اللانسر جدا بس في ناس بيقولولي بلاش منها من غير اسباب واضحة (كله بيقول انا عارف ناس معاهم وبيشتكوا منها جامد) فهل الكلام دا حقيقي؟؟
اقصد انها ممكن تتعبني (مع ملاحظة اني هادي في السواقة وباجيب ال 100 بالعافية)

رد: لانسر ولا كروز؟؟
 

خليك فى لانسر المكواة ... منتشرة أكتر و ركبتها أكتر من مرة (بسم الله ما شاء الله)

رد: لانسر ولا كروز؟؟
 

اولا الاتنين فيهم نفس العيب - كبر حجم وثقل العربية علي قدرة الماتور وده اللي بيخلي العربية سحبها ضعيف والعمر الافتراضي للماتور قصير - لكن فعلا انا اعرف ناس كتير معاها شارك بتشتكي منها جامد

رد: لانسر ولا كروز؟؟
 

الكروز فل اوبشن هاي لاين فتحة سقف اوتو عاملة 159,900 جنيه - بدون فتحة ب 147 الف
اللانسر الشارك سبورت اكشن - فل اوبشن اوتو - فتحة سقف ب 155 الف - بدون فتحة سقف و برضه سوبر سبورت فل اوبشن اوتو ب 130 الف

رأيي؟؟؟ اللانسر طبعا!!! كفاية انك بعد ما تهلكها تقوم زي الباشا تجيب موتور ايفو او تيربو من الحرفيين تسقطوا فيها ب 10 الاف جنيه بحبشتكناته كلها و تبقى معاك عربية سبور بجد شكل و مضمون
و على فكرة موتور اللانسر ال 1500 اقوى من موتور الكروز ال 1600
حاجة اخيرة - دي ياباني و التانية كوري - و انت عارف الفرق

رد: لانسر ولا كروز؟؟
 

الف شكر يا جماعة علي الردود
وmmffor انا اول مرة اعرف ان الكروز كوري انا فاكرها امريكي بما انها شيفورليه
وبالنسبة لموضوع ان العربية تتهلك دا بيكون بعد اد ايه (يعني في متوسط عمر اد ايه للانسر؟) وهل لو جيت ابيعها تجيب سعرها ولا هاخسر فيها جامد ؟
والسبورت اكشن دي هل هي ال ex اللي منتشرة بشكل كبير ولا طراز تاني؟
ومعلش طولت في الاسئلة بس دي ان شاء الله هاتكون اول عربية اجيبها في حياتي ومش عايز اقع في مقلب فيها