مصر موتورز مجتمع السيارات - كل ما يخص السيارة مازدا 323 من مشاكل واعطال وقطع غيار

مصر موتورز مجتمع السيارات (https://www.masrmotors.com/vb/index.php)

- مازدا MAZDA (https://www.masrmotors.com/vb/forumdisplay.php?f=34)

رد: كل ما يخص السيارة مازدا 323 من مشاكل واعطال وقطع غيار

يا جماعة الخير هو مفيش حد بيرد على الناس لية ؟
عايز رأى المازدوية فى سيارة 323 1300 فبريكة دواخل ورشة من الخارج ومحتاجة نص عفشة أمامية وتظبيط كهرباء العربية وفيها سنة ونص رخصة وكاوتش تيوبلس وجنوط ......
ومعروضة على 20000 جنية يا ترى سعرها ده كويس ولا إيه وهل عشان موديل 82 فلازم تبقى الموتور عامل عمرة ؟ ولا إيه ؟ أرجو الرد سريعاً لانى رايح أتفرج عليها غداً إن شاء الله وربنا يوفقنى لما فيه الخير

رد: كل ما يخص السيارة مازدا 323 من مشاكل واعطال وقطع غيار

اقتباس:

المشاركة الأصلية كتبت بواسطة JAZZAR (المشاركة 928125)

بوص يا اخى
انا شايف والله اعلى واعلم ان المبلغ ده زياده
لو تنزل ل 18000 يبقى كويس وبعدين خدها وظبط العفشه والكهرباء
ومش لازم الموتور يكون عامل عمره ولا حاجه ده على حسب حالته

وربنا يوفقك لكل خير
وبلاش تستعجل يا اخى
وعلى فكره العربيه دم اكتر من ممتازه
وده بشهاده اللى ركبوها

رد: كل ما يخص السيارة مازدا 323 من مشاكل واعطال وقطع غيار

جزاك الله خيراً يا أخى على ردك عليا ......

وعلى فكرة أنا ذهبت بالامس وأخذت معى نسيبى بس له خبرة جامدة فى العربيات وقلت له نبص عليها وبعد ما روحنا إلى مدينة السلام بصينا على العربية قال لى ملاحظاته وهى كالاتى علشان نشوف الكدب والغش بيكون إزاى
ده نص الإعلان من على كونتكت كار :
سياره مازدا موديل 82 فبريكة دواخل بالكامل جنوط اسبور- فرش الجلد-سنترلوك و انزار موتور و عفشة بحاله جيده بدون توكيلات السيارة باسم المالك رخصة سنه و نصف فحص 2016 مرور شبرا عبود و لولا التحديث ما كان البيع ابدا لانها بسم الله ما شاء الله و ربنا يبارك للى هيخدها
ودى الملاحظات بعد ما إتفرجنا عليها :
- العربية طلعت رشة حتت فى الدواخل .
- العلبة الشمال فى الحوض واخدة خبطة مما يدل على إنها عاملة حادثة .
- يوجد لحام فى الشنب .
- الزجاج الامامى به أكثر من شرخ .
- العفشة الامامية بايظه وعايزة عفشة من جديد .
- ليست بها جنوط إسبور كما جاء فى إعلان صاحبها ( إنما طاسات ).
- الرخصة ليست بها سنه ونصف وإنما سنه واحدة فقط ( فى الاعلان كاتب سنة ونصف ).
- الموتور مبخر ( أى بيطلع دخنه بيضاء ) .
- الصالون محتاج صالون هههههه:w6w2005041113562663 .

وأخيراً ربنا يهدينا جميعاً ويغفر لنا زلاتنا واخطائنا .. إنه ولى ذلك والقادر عليه ..

رد: كل ما يخص السيارة مازدا 323 من مشاكل واعطال وقطع غيار

اقتباس:

المشاركة الأصلية كتبت بواسطة JAZZAR (المشاركة 928672)

يا نهار ابيض ..444546
ايه يا عم الكلام ده
على فكره كونكت كار بقى موقع مش كويس والاعلانات اللى فيه كتير منها زى ما انت شوفت كده
الحمد لله يا اخى ان ربنا كرمك واخدت واحد بيفهم
وحاول تتريث
ولو ربنا رزقك بواحده 323 وحالتها حلوه بتبقى احلى من اجدع عربيه جديده وحديثه

ربنا يوفقك يا اخى لكل خير

رد: كل ما يخص السيارة مازدا 323 من مشاكل واعطال وقطع غيار

SPAGETY:fun_10_1_124[1]::36_13_6[1]:SPAGETY:shyy::fun_broken ::fun_10_1_124[1]: