أرجو المساعده من أهل الخبره .......
 

السلام عليكم و رحمه الله و بركاته
يا جماعه معلش أنا عندى مشكله غريبه جدا أرجو المساعده
أنا معايا عربيه جيلى مابل موديل 2006 بس فيها حاجه غريبه أوى
أنا عندى الحراره بتعلا عن ال 90 أوى علشان المراوح تشتغل و ده فى الشتا
الأغرب بقى ان بالليل الحراره بتعلا أوى فى مؤشر الحراره و غيرت الثرموستات
وغيرت غطاء الريداتير بس مؤشر الحراره بيقلقنى أوى أوى و ليه بالبل بالذات ؟؟؟؟
و هل أنا عندى مشكله فى قراءع العداد مثلا و أصلحه ازاى أرجو الافاده وعلى فكره برضو عداد البنزين بيرفع أكتر من اللازم يعنى مش الحراره بس أرجو المساعده لو سمحتو و لكم جزيل الشكر

رد: أرجو المساعده من أهل الخبره .......
 

هل بتلاحظ غليان للميه فى القربه

وبقلله للماء والحراره ضاربه لفوق ال 90

لو........لا

يبقى وارد تكون حرارة المكنه طبيعيه

والعيب فى عداد الحراره أو صباع عداد الحراره

وأتوقع العيب فى صباع الحراره بنسبه كبيره جدا عن العداد نفسه

لو بيعدى منطقة أقصى وضع للتموين وأنت مفول

وبيقعد شويه كبار فوق وضع أقصى ملىء للخزان

على مايبدأ ينزل وبعد كده بيهبط عادى

يبقى مفيهوش مشكله فنيه

وده وضع طبيعى

رد: أرجو المساعده من أهل الخبره .......
 

هوه فعلا لما الحراره بتعلا فوق ال90 مش بحس ان المياه بتغلى لدرجه 100 مثلا لا بحس انهى العادى يعنى و ثانيا بقى البنزين دايما يرفع بمقدار معين عن الحقيقى يعنى التانك يبقى نصه مليان المؤشر يقرأ فوق النص بشويه كده فاهمنى ؟ و بعدين صباع الحراره غيرته ولسه جديد بس شكرا جزيلا أخى على اهتمامك

رد: أرجو المساعده من أهل الخبره .......
 

و عندى سؤال لو سمحت هوه صباع الحراره ده غير الثرموستات ؟ و بعدين ممكن يكون العيب فعلا من صباع الحراره ده هوه اللى بيخلى المؤشر يعلا كده أه على فكره انا مركب الثرموستات الواطى علشان كده أنا مستغرب ان الحراره بتعلا عن ال 90

رد: أرجو المساعده من أهل الخبره .......
 

يبقى حرارة المكنه طبيعيه

وحاليا مطلوب نركز فى آلية قياس الحراره عندك

ده حاجه وده حاجه

فالثرموستات واضح عندك دوره منحصر فى تشغيل المروحه بدليل هذا الكلام

والسؤال لك حاليا

أنت غيرت إيه

الثرموستات الواطى ( علشان تخللى المروحه تشتغل بدرى شويه )

أى الثرموستات اللى بيركب على الردياتير

ولا غيرت صباع الحراره (بتاع مؤشر الحراره ) إللى بيبقى راكب على المكنه من فوق .....؟