|
رد: تقرير عن مشاكل وعيوب نيسان صني 2009 - 2010
الصنى السوبر صالون احنا اشترينا منها 4 فى العيلة وواحدة منهم ماشية 160 ألف كيلو و بلا أى مشاكل اللهم الا عربية حصل فيها تزييق فى الكراسى و اتربطت من سنة و مشيت بعدها 50 ألف كيلو بدون أى صوت
العربيات ديه موديل 2007 و فيه واحد تانى شارى اكس صالون أوتوماتيك موديل 2010 و ماشى 25 ألف كيلو و بلا أى مشاكل من أى نوع و بتعمل معاه فى التفويلة الواحد اللى ب 75 جنيه بنزين 92 حوالى 630 كيلو متر أنا سقت الصنى موديل 2007 لمدة شهر كامل السوبر صالون و مشيت بيها حوالى 5 ألاف كيلو فوق ال 42 ألف كيلو اللى مشيتهم و بلا أى مشاكل من أى نوع لا رعشة (عشان أوتوماتيك) و لا طلعة خفيفة و لا استهلاك بنزين عالى و لا تزييق ولا حاجة خالص من اللى سمعتها الشعب المصرى مجرد ما بيسمع من واحد ان عربيته بتزيق بيبدأ يقول لكل اللى حواليه و اللى حواليه يبدأوا يقولوا زيه لغاية لما الناس كلها تقول كدة مع ان مثلا العربيات اللى بيحصل فيها كدة نسبتاها 1 من ألف من اللى اتباع و كله بيتصلح فى الضمان أو بيتغير (ده لو حصلت العيوب ديه) |
رد: تقرير عن مشاكل وعيوب نيسان صني 2009 - 2010
حلوة حكاية التقفيل المصرى دى تقولش العربية بتتقفل عند الاسطى عماد الميكانيكى ده ده واضح ان كل فرقة الفتاوى لا ركبو نيسان ولا دخلو مصنع تقفيل عربيات من اساسه او حتى عدوا من جنبه او حتى شافو صورته من بره
يااخواننا الرأى امانة واحد بياخد رايكم عارف قول عارف سمعت قول سمعت انما تفتى لمجرد انك سمعت بدون م تقول سمعت ده عيب والله طيب ايه رايكو انى بحمد ربنا انى اشتريت صنى 2008 لانى بعامل العربية معاملة سيئة زى م قال الميكانيكى و ده سببه كتـر السفر والحمولات و مع ذلك مبصرفش غير الزيت والغاز لانى حولتها غاز واحيانا ممكن اسوقها 12 ساعة متواصلة اه والله متواصلة بقف امون بس واكمل والحكاية دى عملتها 4 مرات ومرتين 10 ساعات متواصلة عملت فى كل مرة حوالى 1500 كيلو طيب انا كل مرة بروح مهدود اومال هيا تعمل ايه مفيش عربية تانية تتحمل الشغل بالطريقة دى وماشاء الله لاقوة الا بالله ربنا يحميها ويبارك فيها لكن اللى بيشتكو دول يااما مركبوش يااما فى اول الف كيلو ود ه طبيعى لان ميكانيزم العربية لازم يتظبط بطلو بقى |
رد: تقرير عن مشاكل وعيوب نيسان صني 2009 - 2010
بجد شكرا يمكن من اجمل التعليقات واهمها الى شفنها فى حياتى مش على المنتدى ده بس جزاكم الله خير ا
|
رد: تقرير عن مشاكل وعيوب نيسان صني 2009 - 2010
اقتباس:
واخيرا خدها قاعدة بعد الاوروبى والامريكى واليابانى حتى لو تقفيل شارع عبد العزيز احسن من الكورى والصينى والكلام العبيط ده |
رد: تقرير عن مشاكل وعيوب نيسان صني 2009 - 2010
انا معايا نيسان صنى سوبر صالون 2009 - لكن المشاكل الي فوق دي كلها مش موجودة إلا ان الكراسي بتزيق ودا بعد ما ركبت الفرش علي الكراسي والبهوات فكو الكراسي وركبوها تاني ومن هذا الوقت وهي بتزيق وعلي ما اعتقد انها عيب في الي ركب الكرسي بعد الفرش مش عيب في السيارة من الاساس . ..... اما موضوع الصوت العالي الفرق بينها وبين المتسوبيشي مش كبير اوي في موضوع الصوت هي اعلي شوية بسيطة مش مزعجة ...
|
| الساعة الآن 04:23 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017