مصر موتورز مجتمع السيارات - استفسارات بخصوص البولو 1000 سى سى

اقتباس:

المشاركة الأصلية كتبت بواسطة ahmed_wagdy87

السلام عليك

انا ان شاء الله حعاين عربيه بكرة ان شاء الله وكنت عايز اعرف شويه حاجات من حرتك عن العربيه

اقتباس:

المشاركة الأصلية كتبت بواسطة ahmed_wagdy87

هي فولكس بولو 2001 بتكيف و بور و كاسيت سوني و من غير سنتر لوك و 1000 سي سي ماشيه 65,000 كيلومتر استعمال راجل مسن حاله فبريكه

1- سعرها يبقي كام بالحاله ديه؟ 2- ايه راي حضرتك في موتورها 1000 مع التكيف بالنهار داخل المدينه و هل بتسخن مع التكيف بالنهار ؟ 3- سحبها ايه نظامه 4- هو فيه عربيه بتنزل بتكيف و بور و من غير سنتر لوك ؟

الف الف شكرا

بص بالنسبة للاسعار مقدرش افيدك بمعلومة دقيقة افضل تسال الناس اللى فى السوق او المتابعة للاسعار كل يوم ممكن تسال استاذ سيف الدين مشرف القسم التجارى او دكتور تامر

بالنسبة للتكييف فهو متوسط واذا حالته كويسه وانت بتتعامل معاه صح هتحس بيه
يعنى مثلا مش تبقى العربيه مركونه فى الشمس والفرش والهواء جوه سخن مولع وتشغل التكييف هتلاقى الدنيا تلج المفروض حرارة الصاج تهداء وتخرج الهواء السخن وتشغل التكييف ريسايكل الاول وبعدين تقفل الريسياكل وهتحس بيه بس عامة التكييف الاوربى كله مش زى الكورى واليابانى

التكييف عمرة ما يسخن العربيه بالعكس التكييف بيساعد على تبريد الموتور لانه بيشغل المروحة اللى بتبرد ميه الريداتير

السحب معقول هتلاقيها زى عربيات كتير 1100 او 1200 مش هتلاقيه يدايق
لكن طبعا لو مشغل التكييف ومركب ناس فى العربيه السحب هيبقى ضعيف
بمعنى تانى متتوقعش سحب ممتاز لانها مش عربيه رياضيه لكن كمان مش سحب يدايق وعامة هى مناسبه كسياره مدينه

مقدرش اجزم بس ممكن ليه لاء فى مصر كل شىء جايز ويمكن السنتر فيها بايظ عامة ممكن تركبه بسهولة وقيمته مش كبيره