مصر موتورز مجتمع السيارات - العربية بطلت وانا ماشي عالثالث

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - العربية بطلت وانا ماشي عالثالث (https://www.masrmotors.com/vb/showthread.php?t=145700)

العربية بطلت وانا ماشي عالثالث

السلام عليكم
اولا كل سنة وانتو طيبة
ثانيا انا لسه شاري العربية صني 2001 مانيوال 1300سي سي ولسة معرفتهاش كويس
المهم وانا ماشي عالثالث العربية بطلت ركنت وجيت ادور مبتدورش والدواسة بتاعة البنزين تحت رجلي بقت خفيفة قولت يمكن البنزين خلص مع ان المؤشر بتاع البنزين في النص
المهم ربنا كرمني باكثر من واحد يساعدوني وكذا واحد اجمعوا على انها الطرمبة البنزين
وانا شاكك انها تكون الموبينه بس مش عارف ومفيش ميكانيكي كان فاتح عشان العيد
دي ممكن يكون السبب ايه ؟
ولو الطرمبة او الموبينه دي بكام ودي بكام واجيبها جديدة منين ولا استيراد افضل
الرجاء الرد سريعا ولك جزيل الشكر

رد: العربية بطلت وانا ماشي عالثالث

وعليكم السلام ورحمة الله وبركاتة

كل سنة وحضرتك طيب وبخير يارب ومعلش قدر الله وماشاء فعل .. بص انت اول حاجة محتاج تتعرف على العربيه كويس وحالتها

فلازم تغير فلاتر وزيت وتبص على البوجيهات وحالتها وتنظف البوابه ... لو موبينه بايظه هيبان وغالبا كانت تتلت معاك او تبرجل مش متدورش خالص كده انا شاكك فى طرمبة البنزين برضو بس مجموعة الاشعال والتغذية لازم يتكشف عليهم كمان وان شاء الله تكون حاجة بسيطه

رد: العربية بطلت وانا ماشي عالثالث

اشكرك لسرعه ردك
وانا في انتظار الميكانيكي يفتح عشان اروحله