الماروتى بتاعتى اتقلبت و الحمد لله على كل حال
 

الحمد لله من قبل و من بعد
الحمد لله على كل حال
الحمد لله على نجاتى من الحادثة
الماروتى بتاعتى اتقلبت يا رجالة و بفضل الله نجوت من الحادث دون اى اصابات او كسور و ذلك بفضل الله و رحمته و كنت لسة فاكك الحزام من خمس دقائق فقط

انا كنت ماشى فى طريق زراعى فى الفيوم بقرية صغيرة بعد مركز اطسا و عند مكان اسمه ملف معجون كانت امامى سيارة خضراء و توقفت فجأة و عند تخطيها فوجئت بالسيارة تزحف و ضربت فرامل و لكن الاسفلت كان عليه تراب كثير زحلق الماروتى و كان هناك سور للطريق خرجت منه و سقطت من ارتفاع متر تقريبا على الارض الزراعية و مالت على جنبها الشمال وانقلبت على ظهرها و استقرت و العجلات الاربعة للسماء
خرجت من الشباك و تجمع المزارعين و اولاد الحلال و المارة فى المنطقة و ساعدونى و شالوا العربية قلبوها على جنبها ثم رفعوها فوق متر بأيديهم و وضعوها على الاسفلت
اصابات العربة المبدئية
لما اتقلبت على جنبها رايت زيت كثير نازل من عند الكبوت
و لما طلعت على الطريق لقيت السقف نازل تحت و البرابريز الامامى - الزجاج الامامى مكسور
و فيه فعصة فى الكرتيرة و الشكمان
و جارى الفحص الدقيق و لما انتهى من العربية ابقى اقولكم

ملاحظة هامة جدا
انا كنت ماشى على الثانى مش الرابع ولا الثالث و ماشى براحة جدا و مش دايس بنزين خالص و رجلى كانت تشعيرة على الفرامل لان الطريق اصلا كله مطبات و حفر و تكسير يعنى ما كنتش بجرى بسرعة جنونية و لا حاجة
وزى ما بيقول المثل ساعة القدر يعمى البصر

رد: الماروتى بتاعتى اتقلبت و الحمد لله على كل حال
 

الف حمد لله على سلامتك وقدر الله وماشاء فعل واهم حاجة انك بخير وسليم وان شاء الله تتصلح وبص للموضوع من ناحية تانية بلاش عشان العربية اتقلبت انا اتشائمت بالعكس بالعربية دى ربنا كتبلك النجاة وماتاذيتش فالحمد لله وياريت تصورها وعشان نساعدك فى تقييم الخسائر وكله يتصلح واهم حاجة سلامتك

رد: الماروتى بتاعتى اتقلبت و الحمد لله على كل حال
 

الحمد لله انك بخير فداك العربية

رد: الماروتى بتاعتى اتقلبت و الحمد لله على كل حال
 

قدر الله وما شاء فعل وحمد لله على السلامة

رد: الماروتى بتاعتى اتقلبت و الحمد لله على كل حال
 

وحمد لله على السلامة و مدام حضرتك بخير كلو يهون