مصر موتورز مجتمع السيارات - ماذا افعل لو لون السيارة الزيرو .. مش عاجبنى !!

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

- - ماذا افعل لو لون السيارة الزيرو .. مش عاجبنى !! (https://www.masrmotors.com/vb/showthread.php?t=13204)

رد: ماذا افعل لو لون السيارة الزيرو .. مش عاجبنى !!

مفيش كلام يتقال اكتر من اللى اتقال صمم طبعا على اللون اللى انت عايزة واوعى تفكر فى الرش ابداً

هتخسر دهان الفابريكا وهتبهدل العربية وتخسر وقت وفلوس وحوارات فى المرور ليه كل ده

بس من ناحية تانية عايز اقولك بردو ان يمكن ربنا عايز يرحمك من اللون الاسود خاصة فى العربيات الصغيرة بيبقى صعب حبتين

اولا فى اعادة البيع مش قد كده وثانيا احنا بلد مشمسة والحراره اللى بتمتصها العربيه بتبقى جامدة جدا فى حيز هواء داخلى قليل جدا برضو والموتور بيبقى صغنن على تكيف اصغر فبصراحة ببقى شايف انه كتير
ده غير ان اللون الاسود بيبقى اجمل فى العربيات الكبيرة لكن الصغيرة بتكبرها وتظهرها الالوان الفاتحة

طبعاً ديه حريه شخصية واذواق بس حبيت انك تستغل اللى حصل فرصة تفكر مرة تانية فى اختيار اللون الانسب

رد: ماذا افعل لو لون السيارة الزيرو .. مش عاجبنى !!

شكرا يا شباب على الردود و انا استفدت كتير و الله
بس عندى سؤال بديهي

دلوقت انا هجيب السيارة من " أباظة اوتو تريد "

هل من المنطقى ان معندوش لون أسود في المخزن ؟؟؟؟؟؟

رد: ماذا افعل لو لون السيارة الزيرو .. مش عاجبنى !!

عادي جدا ان يكون اللون ناقص
مش حيخبي اللون منك
انت ممكن تدور في اي مكان تاني او تستني مع اباظه لحد ما يجي باللون اللي انت عاوزه

رد: ماذا افعل لو لون السيارة الزيرو .. مش عاجبنى !!

اقتباس:

المشاركة الأصلية كتبت بواسطة hazem_khidr (المشاركة 78235)

شكرا يا حازم و باذن الله قررت لو مفيش اسود هجيب كحلى او نبيتي

لانى خلاص حاجز مع اباظة .. لكنى مستنى اجراءات البنك و التحقق من الورق

و تقريبا هيبعتولى حد البيت .. لسه مستنى

رد: ماذا افعل لو لون السيارة الزيرو .. مش عاجبنى !!

ربنا يوفققك إن شاء الله