كارثة مؤلمة بمرور دمياط
 

يا جماعة انا بكتب الموضوع ده بجد وانا متدايق جدا جدا جدا من اللى بيحصل كل يوم فى شوارع دمياط
دمياط فيها حاجة اخطر من انفلونزا الخنازير الا وهى انفلونزا الموتوسيكلات الصينى ام قسط 50ج فى الاسبوع
فى متناول اى حد وللاسف بدون اوراق تخليص جمركى يعنى مبيرخص وكل العيال الضريبة والحرمية راكبينه
بشكل غير عادى عدده كبير جدا مليين الشوارع
يعملوا سباقات ومراهنات فى الطرق العامة يروح ضحيتها ابرياء
يسرقوا الشنط من النساء فى الشوارع ويجرو بسرعة البرق
يديقوا البنات اللى ماشيين بحركات والفاظ زبالة
ولو حد اتكلم من المارة الواد يضربه بالمطوة ويجرى وملوش نمر
يعنى اللى يتكلم معاهم ملوش دية
وياسلام على مرور دمياط بيعملوا كمين مفاجئ كل يوم من الساعة 9 لحد 10 مساء فى شارع البحر ادام بسنت سنتر(اكتر حته فيها مزز) وطبعا العيال دول مبيرحوش هناك ع الاقل فى المعاد ده والمرور اعد يشوف اللى مش لابس حزام واللى مش لابس جرفطة واللى طفايته مخرومة!!!!!!
يا ريت اى حد يعرف اى طريفه تتحل بيها المشكلة دى يقول لى ازاى وحطوا نفسكوا مكانى وانا دلوقتى اختى لسه مسروق شنطتها وهى خارجه من المستشفى وللاسف كانت بتعمل اشاعة لواحد منهم عربية خبطته فى احد السباقات ptmnlo123per169وشكرا

رد: كارثة مؤلمة بمرور دمياط
 

لقد تحدثت فى هذا الموضوع من قبل وهى كارثة وليست مشكلة بدمياط وحدها ولكنها مشكلة معظم المدن المصرية وفى الريف مصيبة أكبر وعدد الضحايا فى تزايد مستمر 00
قلة أدب متناهية تبدأ من صوت الكاسيت المزعج جدا والسير بسرعات خراقية إنتهاءا بالمعاكسات والجرائم المتنوعة
مصر تزداد قبحا كل يوم وهى تستورد زبالة الهند من التكتوك ونفايات الصين من الموتوسيكل

رد: كارثة مؤلمة بمرور دمياط
 

بس عددها فى دمياط يا د/تامر كبير جدا وسدانى المشكلة فى دياط رهيبة

رد: كارثة مؤلمة بمرور دمياط
 

هيا فعلا حاجه تنرفز
الموتوسيكلات الصيني انتشرت كانتشار النار في الهشيم
علاوه علي التوك توك اللي الواحد بقي بيشوفوا علي الطرق السريعه كمان
بصراحه لابد من وقفه من وزاره الداخليه و جميع اجهزتها
امن عام و مباحث و مرور علشان يرجع الامن تاني

رد: كارثة مؤلمة بمرور دمياط
 

و الله يا دكتور ده مجرد أحد أشكال البلطجة المنتشرة فى ربوع المحروسة كلها

الحل ممكن عن طريق استرجاع او اعادة بناء ما يسمى (قوات الدفاع الشعبى)

و دى قوات مكونة من افراد عاديين جدا لهم الحق بقوة القانون فى تنفيذ القانون او المعاونة فى تنفيذه و ممكن كل من يرى نفسه شريفا ان ينضم لهذه القوات الغير نظامية و الغير مسلحة

ببساطة ... انت لو تدخلت لحل مشكلة فى اشارع أحد طرفيها بلطجى و الاخر ضحيته ... البلطجى هيقولك و انت مالك؟ و ممكن يتعدى عليك انت كمان

لكن لو نظام الدفاع الشعبى رجع تانى .... يبقى انت فى الموقف ده مالك و نص بقوة القانون شرط اعلانه و توعية الناس به


علشان نوعى الناس بيه لازم يكون عندنا روابط شبابية معلنة للمطالبة بذلك