كيا برايد أوتوماتيك بتفصل مني و انا ماشي او سايبها سلانسية
 

السلام عليكم
يا جماعة انا عندي مشكلة معقداني
انا معايا عربيه كيا برايد أوتوماتيك
العربية بتفصل مني و انا ماشي لو سبت وجلي من على البنزين و اول ما عداد ال rpm يوصل عند واحد تقوم العربية مبطلة ، و العربية بتكون سخنه و كل حاجة،
و بعدين ادورها ماتدورش و تبطل، و مابتقفش على سلانسيه. و على فكره أوقات كل العيوب دي ماتظهرش و ماتبطلش و تقف سلانسيه عادي
ممكن حد يقولي المشكله دي ايه كاربيراتير ولا كهربا ولا ايه

رد: كيا برايد أوتوماتيك بتفصل مني و انا ماشي او سايبها سلانسية
 

مبدئياً هتنضف الكربراتير بمنظف أسبراى و خاصة بك السلانسية, لو لسه بتفصل
هات فوطة مبلولة مياة و إعصرها و حطها على جسم الموبينة لما العربية تكون سخنة
لو دارت ... يبقى عيب موبينه, غيرها بموبينة إلكترونى أحسن بلاش الزيت علشان مضروب
لو بردو مدارتش يبقى تتأكد من الأبلاتين سليم و لا لادع و تتأكد من توصيل أسلاك البوجيهات و الومبينة كله يكون متوصل مكانه صح مش مهزوز

رد: كيا برايد أوتوماتيك بتفصل مني و انا ماشي او سايبها سلانسية
 

يا جماعة أنا عملت الاتي :

- روحت لمعتذ بتاع الكاريبراتير و حلو و نظفوا و لما ركبوا بردوا فضلت تبطلو كان جمبوا ميكانيني قالي أنا اديت كهربا دوبل للمومبينة و العربية دارت و مبطلتش و قالي لازم تغير الموبينة و البوجيهات زز

- روحت للميكانيكي اللي أنا بتعامل معاه قلتلو الكلام الي الراجل قالهولي زز قالي لأ الموبينة مش بايظة و مش محتاجة تتغير علشان لو بايظة كانت فصلت كهربا تماماو و بص على مشط الساربتير لقاه سخن و فكوا و و عمل واصلة خارجية للكونتاكت و لقينا العربية بتبطل بردو .. قالي بص يا باشا العيب مش في الكهربا خالصو ده عيب كاربيراتير علشان العربية بتبطل لما تهدي بنزين و لما تزود بنزين مش بتبطل ممكن يكون عيب رشاشات البنزين

- المهم الميكانيكا عمل حركة غريبة خلت العربية تبقى زي الفل و مش بتبطل و بنزين هادي و كل حاجة, بدل الوصلات بتاعت البوجيهات و على بنزين و دور و العربية قعدت تترج جامد و البوجيهات بتعمل صوت غريب كده, بعدين رجعهم مكانهم و وطى بنزين, و العربية بعدها رجعت مظبوطة بس تاني يوم رجعت تبطل تاني, عملت أنا الحركة دي اتظبطت .. ده بقى اسمه اييييه


يا ريت حد ينصحني و يدلني أنا زهقت من كلام الميكانيكية, مش عارف أوديها لميكانيكي تاني, ولا كهربائي, ولا بتاع كاربيراتير

الميكانيكي اللي بروحله في الاخر قالي بص أمري لله أنا هشتغلك أنا في الكاربيراتير , بس خايف يكون بيشتغلني علشان يقلب فلوس و خلاص

رد: كيا برايد أوتوماتيك بتفصل مني و انا ماشي او سايبها سلانسية
 

كدا و الله اعلم كاربرياتير عايز يتنضف كويس

رد: كيا برايد أوتوماتيك بتفصل مني و انا ماشي او سايبها سلانسية
 

يا جماعة أي اقتراحات أنا طلع عيني مع العربية