تسقيط موتور لرينو رينبو
السلام عليكم
يا جماعة دلوقتي انا معايا رينو رينبو مو 99 و بفكر اغيرها و اجيب سيفيك 2000 بس بصراحة لحد دلوقتي مش لاقي واحدة مناسبة .كله لو نضيفة تبقى غالية ولو رخيصة بتبقى مهلوكة فانا قلت انا اسقط موتور في العربية اللي معايا واظبط العفشة و اعمل منها عربية احسن م السيفيك كمان ف ايه احسن موتور يتسقط ليها و ممكن اجيبه منين و ايه الاسعار بعد اذنكو |
رد: تسقيط موتور لرينو رينبو
افضل موتور تركبه في الرينو هو ال 1400 energy
و علي فكره الموتور دا بينزل في الرينو 19 اللي هي اخت عربيتك بس فرنساوي تكلفته استعمال في حدود 2500 الي 3000 جنيه اعتقد ان دا افضل موتور يركب عندك من غير تعديلات قويه |
رد: تسقيط موتور لرينو رينبو
الف شكر يا باشا على ردك
و ياريت لو شوية معلومات عن الموتور .يعني باور ولا لا , التكيف و كدة يعني |
رد: تسقيط موتور لرينو رينبو
الموتور الاينرجى بينزل بباور وتكييف بس انت عشان تركب باور لازم تغير الاسكاترا وتجيب سكاتره باور هتلاقيها استيراد فى حدود ال500 جنيه وتأكد جدا على اللى هتاخد منه الموتور انه يكون فيه القواعد بتاعت الطلمبه والكمبريسور لانهم طبعا مختلفين عن اللى راكبين عندك والموتور ده بيكون موجود هاف انجيكشن او كاربيراتير وانا انصحك بالكاربيراتير عشان مش هتحتاج تغير ضفيره ويركب على فتيسك عادى لو الفتيس بتاعك كويس الموتور ده 8 صباب 79 حصان باور وتكييف |
الساعة الآن 03:17 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017