مصر موتورز مجتمع السيارات - كل ما يخص الشهر العقارى

مصر موتورز مجتمع السيارات (https://www.masrmotors.com/vb/index.php)

- الشهر العقارى (https://www.masrmotors.com/vb/forumdisplay.php?f=219)

- - كل ما يخص الشهر العقارى (https://www.masrmotors.com/vb/showthread.php?t=25323)

رد: كل ما يخص الشهر العقارى

اقتباس:

فالام بموجب التوكيلالعام الصادر لها من الابن تستطيع ان تمارس كل صلاحيات وحقوق الابن .
وزى ما حضرتك قولت فعلا بيتكتب السيد ......بصفته وكيل عن السيد ........بتوكيل عام رقم .....لسنه ..... توثيق..... / وكيلا عن السيد ...... بتوكيل خاص رقم ...... لسنه كذا .......توثيق ......

انت عارف الكلام اللى بتقوله خطير
اتمنى منك قبل ان تجادل ان تذهب لمكتب توثيق وتسألهم على الموضوع ده

الصيغة اللى انت كاتبها تودى النيابة الادارية

رد: كل ما يخص الشهر العقارى

استاذ ميدو
لا يصح فى صفة التوكيل ان يسبق الخاص عام
عام ثم خاص فقط
فكر فيها هتلاقى مينفعش وبرضة اذهب لشهر عقارى قريب منك واسال اى موثق هناك وشوف هيقولك ايه
بس انا عايز اقولك حاجة تريحك

لو ينفع تكتب فى التوكيل العام بصفتة وكيلا عن ..... بموجب توكيل خاص رقم .....
يبقى الكلام اللى بتقوله صح

رد: كل ما يخص الشهر العقارى

اقتباس:

المشاركة الأصلية كتبت بواسطة elsaidy (المشاركة 179994)

هههههههههههههههههههه حضرتك برده مش فاهمنى العباره دى مبتتكتبش فى التوكيل دى بتتكتب فى الدفتر اثناء التوقيع .
يا استاذى دا مش توكيل من توكيل ذى ما انت متخيل .

رد: كل ما يخص الشهر العقارى

اقتباس:

المشاركة الأصلية كتبت بواسطة elsaidy (المشاركة 180003)

يا استاذى العزيز ايه اللى هيخلينى اكتب فى التوكيل العام بصفته وكيلا عن .

حضرتك دا مش توكيل من توكيل زى ما حضرتك فاهم ، دا توكيل عام شامل . واضح ان حضرتك عندك لبس فى الموضوع .
الابن مش عامل لامه توكيل بناء على التوكيل الخاص لا ، هو عامل لها توكيل عام بتحل محله فى كل حاجه وبتتصرف فى كل حاجه تخصه .

بص انا فاهم نقطه حضرتك بس حضرتك كلامى لسه مش واصل لحضرتك .

بص هديك مثال ويارب يقربلك الصوره اكتر ولو حضرتك اشتغلت فى المحاماه هتفهم كلامى كويس .
حضرتك لو شغال فى مكتب محاماه والاستاذ بتاعك عملك توكيل عام قضايا حضرتك بمقتضى التوكيل دا تقدر تمارس كل صلاحيات واختصاصات الاستاذ بتاعك فى كل القضايا اللى عنده فى المكتب اللى هو بيمارسها بناء على التوكيلات اللى عملهاله الموكلين بتوعه .
فلنفترض ان موكل عمل لاستاذك توكيل خاص بأمر معين وليكن مثلا صلح او تنازل عن قضية . هل فى الحاله دى لازم استاذك يعملك توكيل خاص بناء على التوكيل الخاص اللى الموكل عملهوله ولا بتحل محل استاذك بناء على التوكيل العام اللى معاك .
والاجابه طبعا انك بتحل محله بناء على التوكيل العام اللى هو عملهولك .

يارب يارب يارب يكون كلامى وصل لحضرتك لان مفيش عندى توضيح اكتر من كدا .

رد: كل ما يخص الشهر العقارى

انا اشتريت عربية هيونداى اتوس 2009 والرخصة عليها حظر بيع والراجل سدد ثمنها بالكامل للبنك والجواب بتاع رفع الحظر راح المرور
ايه المفروض انى اعمله بعد كده علما بأنى معايا توكيل بيع لنفسه وللغير
والاهم ..... هل لابد انى اسجلها فى الشهر العقارى علشان انقلها باسمى ولا فى المرور على طول كأنها زيرو وايه المستندات المطلوبة بالنسبة للشهر العقارى بالتفصيل
وياريت اعرف رسوم تسجيلها كام بالظبط فى الشهر العقارى ....جزاكم الله خيرا