مصر موتورز مجتمع السيارات - كل ما يخص الشهر العقارى

مصر موتورز مجتمع السيارات (https://www.masrmotors.com/vb/index.php)

- الشهر العقارى (https://www.masrmotors.com/vb/forumdisplay.php?f=219)

- - كل ما يخص الشهر العقارى (https://www.masrmotors.com/vb/showthread.php?t=25323)

رد: كل ما يخص الشهر العقارى

السلام عليكم يا شباب جزاكم الله خير واختلاف الاراء لايفسد للود قضية انا اللى كان قلقنى انه ممكن يلغى التوكيل واستاذ محمد جزاه الله خير طمئنى مادام مكتوب فية لنفسة ما يقدرش يلغية وانا لما ارجع ابقى اخلص ورق التسجيل بس دلوقتى فيه مشكلة تانية العربيه منقولة من مرور لمروروماشية بتصريح مؤقت وانتهى وبيقول البايع انهم مش لقينا الملف بتاعها وانهم لو لقوا الملف حيلاقوا شهادة البيانات بتاعت الشهر العقارى فحيعرفوا انى بعتها فلازم انت بنفسك تجى تخلص التصريح المؤقت او الرخصة لان انا مهمتى انتهت كدة فالمرور الكلام دة صح والا الراجل بيفضى دماغة وبعدين انا لوسبت التصريح المؤقت منتهى لحد ماارجع مصر فستبمبر فى مشكلة فتجديدة والاعادى الفحص حيتنهى 8 _2012

رد: كل ما يخص الشهر العقارى

اقتباس:

كان لدى سيارة وقمت ببيعها بتوكيل ذكر فيه(لنفسه و للغير و التوكيل للغير)فهل يعنى ذلك امكانه تجديد الترخيص و ماذا افعل اذا اردت معرفة ما اذا كان تم نقل ملكية السيارة ام لا و ما هو الاجراء الذى تنصحنى به اذا وجدته لم ينقل الملكية و مع وافر شكرى و عد نسيانى فى الرد

اكيد جيبت عربية تانية لو دفعوك ضريبة وثلث يبقى العربية لسه باسمك
اما لو ضريبة عادية يبقى نقل الملكية

لو هو جدد ورخص باسمك اذهب الى رئيس وحده المرور واعمل شكوى لان اكيد لو جدد ورخص باسمك يبقى موظف المرور اخذ رشوة

ملاحظة هو هينقل الملكية عند انتهاء الرخصة

رد: كل ما يخص الشهر العقارى

اقتباس:

حضرتك المعلومه وصلانى والله .
بص حضرتك الابن وكيل عن المالك الاساسى بتوكيل خاص والام وكيله عن الابن بتوكيل عام .يبقى الام هتحل محل ابنها وتقوم بنقل الملكيه لابنها بصفتها وكيله عن الوكيل الاصيل .
حضرتك انا مذكرتش ان العربيه ملك ابنها انا عارف انها ملك المالك الاساسى اللى عمل توكيل لابنها.
حضرتك الام وكيل الوكيل والوكاله فى الوكاله جائزه قانونا . وانا عملتها بنفسى وكنت وكيل عام عن وكيل خاص وكنت وكيل عام عن وكيل عام .
ياريت اكون قدرت اوصل المعلومه لحضرتك

اخى لا جدال فى القانون

لا يمكن عمل توكيل صغير ثم توكيل كبير منه

انظر معى
هل يمكن ان تبيع الوكيله عن الابن بالتوكيل العام اى شى يخص البائع الذى وكل الابن
وفى حاجة ثانية هل من الممكن ان تكتب الصفة فى التوكيل العام للام
يعنى مثلا هو يعمل توكيل عام للام يكتب فيه بصفتة وكيلا عن البائع بتوكيل خاص رقم 10000 لسنة 2009 توثيق شمال

الكلام الذى تقولة لا اساس له من الصحة واذا كنت عملتة فعلا زى ما بتقول يبقى زمان الموظف اللى عملهولك فى خبر كان

رد: كل ما يخص الشهر العقارى

اقتباس:

اخى اولا انا مش فاهم قصدك كويس بس هقولك تعمل ايه
انما لو التصريح انتهى مفيش مشكلة بس انت هتدفع الضريبة كده كده

انت هتروح المرور اللى تبع العربية اللى مكتوب فى التصريح
وهتاخد شهادة بيانات موجهه للشهر العقارى (مدتها شهر فقط) طبعا بالتوكيل اللى معاك
وهتروح لمكتب التوثيق بالشهر العقارى تنقل ملكية يعنى عقد بيع لنفسك
لو انت تبع مرور والعربية تبع مرور مختلف يعنى مثلا بطاقتك حلوان والعربية مرور الجيزة
يبقى انت وبتاخذ شهادة بيانات للشهر العقارى تعمل كمان واحدة موجهه لمرور حلوان
اما لو نفس المرور يبقى مش مهم
واكيد هتاخد معاك المخالفات والضريبة وكل ورق العربية والتوكيل وعقد البيع والايصالات اللى هتاخدتها من الشهر العقارى وتروح تنقل ملكية وهيطلعلك رخصة او تصريح

رد: كل ما يخص الشهر العقارى

اقتباس:

المشاركة الأصلية كتبت بواسطة elsaidy (المشاركة 179434)

كلام ايه الذى ليس له اساس من الصحه ، حضرتك انا متاكد من كلامى مش بقول مجرد كلام .والكلام اللى انا بقولهولك دا انا عملته مش مره واحده او اثنين بل عشرات المرات .

واضح ان حضرتك اللى مش فاهم الموضوع الام وكيل عن الابن فى ممتلكاته هو وليس ممتلكات الاخرين . والابن بموجب التوكيل بالبيع الصادر له من مالك العربيه اصبح له الحق فى التصرف فى هذه السياره . وبموجب التوكيل ما بين الام والابن بينتقل الحق الذى خول للابن للام ولا تسطيع ان تتصرف الا فى حدود هذا الحق يعنى ملهاش علاقه بممتلكات مالك السياره الاخرى ، هى لها الحق فى التصرف فى السياره فقط .

بص حضرتك مفيش حاجه اسمها توكيل كبير من توكيل صغير . بص حضرتك الام معاه توكيل كبير عن كل حقوق الابن اللى من ضمنها التوكيل الصغير اللى عملهوله صاحب السياره .

مش عارف اوصلهالك ازاى .

بص واضح ان حضرتك اتخرجت من الكليه واتعينت فى الشهر العقارى على طول ولم تتمارس المحاماه .
استاذى الفاضل ببساطه الابن ابرم للام توكيل عام يحق لها بموجبه ان تتصرف فى كل مايملك ابنها وتسطيع ان تبرم كل التصرفات نيابة عنه .

والابن اشترى سياره ومالك السياره قام بعمل توكيل للابن يستطيع الابن بموجبه ان يتصرف فى السياره لنفسه او للغير " وهذا التوكيل خاص بالسياره وفقط " .
اذن من حق الابن ان يقوم ببيع السياره لنفسه او لغير بموجب التوكيل الصادر له من المالك .
واذا كان الابن يمتلك حق التصرف فى هذه السياره فان الام تستطيع ايضا ان تتصرف فى هذه السياره بموجب التوكيل الممنوح لها من ابنها .
فالام بموجب التوكيلالعام الصادر لها من الابن تستطيع ان تمارس كل صلاحيات وحقوق الابن .
وزى ما حضرتك قولت فعلا بيتكتب السيد ......بصفته وكيل عن السيد ........بتوكيل عام رقم .....لسنه ..... توثيق..... / وكيلا عن السيد ...... بتوكيل خاص رقم ...... لسنه كذا .......توثيق ......

وزى ما قلت لحضرتك انا عملت الموضوع دا كتير ا جدا وكان بيتكتب وكيل الوكيل زى ما قلت لحضرتك .

وياريت لو عند حضرتك سند قانونى واحد لكلام حضرتك ياريت تقوله .