مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   مقارنات (https://www.masrmotors.com/vb/forumdisplay.php?f=174)
-   -   دايو زاس هل تستحق الشراء (https://www.masrmotors.com/vb/showthread.php?t=994)

sikostar 23-06-2008 11:50 AM

دايو زاس هل تستحق الشراء
 
الاخوة الكرام
برجاء الافادة بخصوص دايو زاس او دايو زاز
هل هذا النوع جيد وهل قطع الغيار متوفرة
وما هو استهلاك البنزين؟
معروض عليا عربية 2001 بسعر 16 الف جنيه
ايه رأيكم

جزاكم الله كل خير

islam_galal 23-06-2008 01:02 PM

رد: دايو زاس هل تستحق الشراء
 
معلوماتي مش كتير
بس قطع غيار مش متوفرة حتي عند الوكيل

العربية اتولدت قديمة و مالهاش سوق لاعادة البيع

و بعدين 16 ألف سعر غريب قوي

AbOnOrA 23-06-2008 01:05 PM

رد: دايو زاس هل تستحق الشراء
 
هو سعرها مغرى بصراحة بس مقدرش اقولك اه او لاء لاكن ممكن نفكر مع بعض بصوت عالى

اولا ديه عربية بتكنولوجيا دايو مصنعة فى روسيا كسيارة اقتصادية من الدرجة الاولى وده معناة ان جودتها مش عالية لاكن ممكن يكون صاحبها محافظ عليها كويس وتكون حالتها ممتازة

ثانيا هتلاقى مشاكل فى اعادة بيعها لانها مش مطلوبة لاكن البيع والشراء فى الاول والاخر نصيب

ثالثا لازم تخطف رجلك لشارع دمشق مثلا وتسال عن قطع غيارها الاساسية موجودة ولا لاء واسعارها ايه

لاكن عامة متشتريهاش لو كانت حالتها اقل من ممتازة
ومتشتريهاش لو انت استخدامك للعربية كبير يعنى اكتر من 50 كم يوميا وبتمشى فى طرق مكسرة

والعكس لو هيا حالتها ممتازة (وده بناء على اختبار ميكانيكى وسمكرى الاتنين مع بعض ثقة ) ولو استخدامك للعربية قليل ومفيش قدامك خيارات تانية وسالت على قطع غيارها ولقيتها متوفرة بأسعار قليلة استخير ربنا وتوكل على الله

MohabSaeed 23-06-2008 03:34 PM

رد: دايو زاس هل تستحق الشراء
 
فعلا سعر 16 الف جنيه غريب نوعا ما" المفروض تكون فى رينج اوائل العشرينات " ... زى مقال ابو نورا لو حالتها كويسه يبقى ممكن تفكر فيها .... لكن لو حالتها سيئه حتبقى صفقه غير رابحه " لعدم توافر قطع الغيار , تقريبا انا كنت شوفت مركز بيصلح الماركه ديه فى اول طريق الاسماعيليه قبل بنزينه الوطنيه بشويه .
انا ركبتها فى معرض اوتو ماك من كام سنه وكانت نازله تحت اسم " زاز - سلافوتا " وكانت تقريبا ب 37 الف جنيه وكان فى منها بتنزل بتكيف ب 40 الف جنيه .و طبعا امكانياتها والخامات المستخدمه على قد تمنها يعنى مش معنى انها 2001 يبقى انها سياره حديثه .

abdalla 23-06-2008 06:10 PM

رد: دايو زاس هل تستحق الشراء
 
بالمناسبه ناوى ان شاء الله شراء عربيه بريليانس ....... ومحتاج المشوره منكم
1600 ccام 2000 cc طبعا بعد القانون الجديد الكل بيفضل 600 بس المهم هل هناك حد شارى او راكب هذه السياره وله ملاحظات عليها سلبا او ايجاباً وجزاكم الله خير


الساعة الآن 11:55 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017