مصر موتورز مجتمع السيارات - افضل سيارة فى حدود 50 الف جنيه

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - افضل سيارة فى حدود 50 الف جنيه (https://www.masrmotors.com/vb/showthread.php?t=12591)

افضل سيارة فى حدود 50 الف جنيه

عايز اشتري عربية في حدود 50 الف جنية وبقارن بين
1- اسبيرانزا هاتش باك (امكانيات جامدة وشكل حلو)
2- سوزوكي التو (ماركة واسم بس عيبها صغيرة اوي وتقفيل هندي)
3-برايد سيدان (ميزتها سيدان وواسعة نوعا ما بس عيبها انها مش زي زمان كيا بقي اسمها برايد سايبا ومبقتش تنزل من كيا وتقفيل ايراني)

يا جماعة يا ريت تساعدوني ضروري علشان مش عارف اخد قرار ودلوقتي في عروض علشان رمضان وعايز الحق

وشككككككككرا

رد: افضل سيارة فى حدود 50 الف جنيه

اولا انا مقدرش انصحك بالالتو مجربتهاش وشكلها مش عاجبنى ومساحتها اومكانيتها محدودة جدا مقارنة بحاجات كتير

الاسبيرانزا انا جربتها والعربية شكلاً وموضوعاً اعلى من سعرها بكتير بس قطع الغيار والتوكيل يخوفو اى حد

الكيا برايد فعلا مبقتش تتعمل فى كوريا وان كانت بعض قطع الغيار كورى وبعضها ايرانى لكن عامة تصميم الكيا سهل اى حد يصنعة وكيا نفسها بداءت بيه مشوارها فى تصنيع العربيات وكانت واخداه من مازدا ومازدا واخداه من فورد

فسواء كانت البرايد امريكى يابانى كورى ايرانى فهى عربية تصميمها جيد جدا وعملى واعتمادى وقطع غيارها منتشره ورخيصة بس الخامات والتصميم الداخلى فقير جدا والاسبيرانزا الصغيرة تتفوق عليها فى النقطة ديه بجدارة

فانا انصحك بالبرايد بما انى من عشاقها لكن خد اراء كل الناس طبعاً

رد: افضل سيارة فى حدود 50 الف جنيه

انا مش عارف من حقى اقولك حاجه تانيه خالص وللا ايه
عموما
انا شايف انك بالمبلغ ده تجيب
هيونداى اكسنت 2006 بحاله ممتازه جدا

رد: افضل سيارة فى حدود 50 الف جنيه

بس انا خايف من القديم علشان انت عارف التصليحات والمقالب اللي في العربيات

رد: افضل سيارة فى حدود 50 الف جنيه

إنت ممكن تجيب شيفرولية سبارك او كيا بيكانتو بس هاتزود المبلغ اللى معاك شوية. ولو تقدر تزود المبلغ عشر تلاف هات رينو لوجان